…म्हणून पती-पत्नीच्या वयामध्ये असावे किमान ५ वर्षांचे अंतर; जाणून घ्या कारण

जर मुलगा मुलीपेक्षा वयानं मोठा असेल तर तर तो आपल्या पत्नीला संसारातील छोट्या-मोठ्या कामांमध्ये चांगल्या पद्धतीनं काम करू शकतो. दुसरीकडे दोघंही एकाच वयाचे असतील तर अनुभवाच्या अभावी

पूर्वीच्या काळात आई-वडील, आजी-आजोबांकडून घरातील मुला-मुलींचं लग्न जुळवताना त्यांच्यातील वयाच्या अंतरावर अधिक प्रमाणात भर दिला जायचा. कारण त्यांच्या मते मुला-मुलींच्या वयामध्ये अंतर असणं संसाराच्या दृष्टीकोनातून महत्त्वपूर्ण बाब असायची. लग्नासाठी योग्य स्थळ शोधताना आजही वयाचा विचार सर्वात आधी केला जातो. साधारणतः मुलाच्या वयानुसार त्याची होणारी पत्नी पाच ते सहा वर्ष लहान असावी, असे घरातील वडिलधाऱ्यांचं म्हणणं असते. तसं पाहायला गेलं तर यामागे विशेष असं काहीही कारण नाही. पण काही गोष्टी लक्षात घेणे आवश्यक आहे.

महिलांच्या शरीरात होणारा हार्मोन बदल
वाढत्या वयानुसार महिलांच्या शरीरात हार्मोनल बदल होत असतात. यामुळे पुरुषांच्या तुलनेत महिला लवकर वयस्कर दिसू लागतात. आपली मुलगी तिच्या पतीपेक्षा अधिक वयस्कर दिसू नये, यासाठी घरातले तिच्या वयाहून पाच ते सहा वर्षे मोठ्या असणाऱ्या मुलासोबत लग्न जुळवणाऱ्या भर देतात. मुलींच्या शारीरिक क्षमतेत मुलांच्या तुलनेत लवकरच कमतरता येऊ लागतात. या सर्व गोष्टी लक्षात ठेवून आईवडील आपल्या मुलीचं लग्न ठरवतात.

विचारातलं अंतर
असं म्हटलं जातं मुली मुलांपेक्षा अधिक समजुतदार असतात. अशातच मुलगा आणि मुलगी एकाच वयाचे असतील, तर काही प्रकरणांमध्ये या दोघांचे विचार जुळण्यास अडचणी निर्माण होऊ शकतात. ज्यामुळे दोघांमध्ये कलह होण्याची शक्यता अधिक असते. मुलगा-मुलीचं वय एकच असल्यास दोघांच्या विचारांमध्ये जास्त फरक जाणवत नाही. त्यामुळे शांततेत-सुखात संसार चालवणं कठीण होऊ शकते. या पार्श्वभूमीवरच दोघांच्या वयात अंतर असणं आवश्यक असते.

[read_also content=”म्हणून पौष महिन्यात करू नये लग्न; जाणून घ्या शास्त्रीय कारण https://www.navarashtra.com/latest-news/so-do-not-get-married-in-the-month-of-poush-know-the-cultural-reason-nrng-200029.html”]

घरातील आणि बाहेरील कार्य
जर मुलगा मुलीपेक्षा वयानं मोठा असेल तर तर तो आपल्या पत्नीला संसारातील छोट्या-मोठ्या कामांमध्ये चांगल्या पद्धतीनं काम करू शकतो. दुसरीकडे दोघंही एकाच वयाचे असतील तर अनुभवाच्या अभावी दोघांनाही कमी-अधिक प्रमाणात अडचणी सहन कराव्या लागू शकतात. घरातील तसंच घराबाहेरील कामे योग्य पद्धतीनं होण्यासाठी पती-पत्नीच्या वयामध्ये अंतर असणं गरजेचं आहे. यामुळेच कोणतेही काम अगदी सहज होण्याची शक्यता अधिक असते.