जागतिक आरोग्य संघटनेच्या (WHO) 21 कर्मचाऱ्यांनी कांगोमध्ये Cango महिला आणि अल्पवयीन मुलींवर बलात्कार केल्याची घटना घडली आहे. 2018 ते 2020 या काळात आफ्रिकन देशात या घटना घडल्या असल्याचं स्वतंत्र तपासात उघड झाले आहे. डब्ल्यूएचओचे कर्मचारी इबोला साथीच्या काळात लोकांना मदत करण्यासाठी कांगोला गेले होते. तेव्हा त्यांनी उपचारासाठी हॉस्पिटलमध्ये दाखल करण्यात आलेल्या 50 हून अधिक महिला-तरुणींवर लैंगिक अत्याचार केले.
‘न्यूयॉर्क टाईम्स’च्या रिपोर्टनुसार, डब्ल्यूएचओचे प्रमुख टेड्रोस एडनम घेब्रेयसस यांनी स्वतंत्र समितीच्या चौकशीत कर्मचाऱ्यांवरील आरोपांची पुष्टी केल्यानंतर या घटनेबद्दल दुःख व्यक्त केले. टेड्रोस म्हणाले की, गुन्हेगारांना कठोरात कठोर शिक्षा दिली जाइल.
चौकशीत समोर आली धक्कादायक माहिती
इबोला साथीच्या काळात महिलांचे लैंगिक शोषण करण्याच्या आरोपात सुमारे 83 लोक दोशी आढळले आहेत. त्यापैकी 21 जण डब्ल्यूएचओचे कर्मचारी आहेत. पीडितांच्या मदतीसाठी गेलेले हे कर्मचारी महिलांना औषधांमध्ये मादक द्रव्ये मिसळून त्यांच्या वासनेची शिकार बनवायचे. तर काही महिलांचे या नराधमांनी नोकरीला लावण्याचे आश्वासन देत लैंगिक शोषण केले.
50 महिलांनी केली होती तक्रार
पीडित महिलांनी असेही सांगितले की लैंगिक अत्याचारादरम्यान आरोपींनी गर्भनिरोधक वापरले नाही आणि नंतर गर्भपातासाठी दबाव आणला. काही पीडित महिलांनी सांगितले की, डॉक्टरांनी त्यांना नोकरीचे आश्वासन देऊन त्यांच्यावर बलात्कार केला होता. या आरोपांची जेव्हा चौकशी सुरू झाली तेव्हा सुमारे 50 महिलांनी त्यांना मदत करणाऱ्या लोकांवर गंभीर आरोप केले.
