त्वचेवर पार्लरसारखी चमक येईल घरीच! १ वाटी दह्याचा वापर करून ‘या’ पद्धतीने बनवा दही फेशिअल

सुंदर, चमकदार त्वचा मिळवण्यासाठी महिला अनेक नवनवीन उपाय करत असतात. पण सतत त्वचेवर नवनवीन प्रॉडक्ट लावल्यामुळे त्वचा खराब होण्याची शक्यता असते. त्यामुळे त्वचेचे नैसर्गिक सौदंर्य टिकवून ठेवण्यासाठी घरगुती पदार्थांचा वापर करावा. यासाठी तुम्ही दह्याचा वापर करू शकता. आज आम्ही तुम्हाला फेशिअल करण्याच्या सोप्या टिप्स सांगणार आहोत. या टिप्सचा वापर करू फेशिअल केल्यास त्वचा मऊ आणि चमकदार दिसेल.

सण समारंभ म्हंटल की सगळ्यात आधी महिला पार्लरमध्ये जातात. पार्लरमध्ये जाणून क्लीनअप करणे, फेशिअल करणे इत्यादी अनेक गोष्टी केल्या जातात. फेशिअल केल्यामुळे त्वचा चमकदार आणि उजळलेली दिसते. त्यामुळे काही महिला महिन्यातून एकदा फेशिअल करून घेतात. पण अनेकदा फेशिअल करून आल्यानंतर सुद्धा काहींच्या त्वचेवर चमक दिसत नाही. अशावेळी महिला त्वचा आणखीन चमकदार आणि सुंदर दिसण्यासाठी बाजारात मिळणाऱ्या महागड्या क्रीम आणि इतर प्रॉडक्ट लावतात. पण यामुळे काहीकाळ त्वचा सुंदर दिसते. त्यामुळे त्वचेचे सौदंर्य वाढवण्यासाठी केमिकल युक्त प्रॉडक्टचा वापर करण्याऐवजी नैसर्गिक आणि घरगुती पदार्थांचा वापर करावा. आज आम्ही तुम्हाला १ वाटी दही वापरून त्वचेवर चमक आणण्यासाठी कशा पद्धतीने दही फेशिअल तयार करावे, याबद्दल सांगणार आहोत. चला तर जाणून घेऊया.(फोटो सौजन्य-istock)

त्वचेला दही लावण्याचे फायदे:

त्वचेच्या निरोगी आरोग्यासाठी आणि शरीरासाठी अनेक लोक नियमित दह्याचे सेवन करतात. दही खाल्ल्याने शरीराला थंडावा मिळतो. तसेच दह्यामध्ये फॅटी अ‍ॅसिड, प्रोटीन, विटामिन आणि खनिजे इत्यादी घटक आढळून येतात. तसेच दह्याचे सेवन केल्यामुळे आणि दही मास्क त्वचेला लावल्यामुळे चेहऱ्यावरील मृत पेशी निघून जाण्यास मदत होते. चेहऱ्यावरील मृत पेशी निघून गेल्यानंतर त्वचे उजळदार आणि सुंदर दिसू लागते.

हे देखील वाचा: सतत चष्मा लावून नाकावर काळे डाग आले आहेत? डाग घालवण्यासाठी ‘हे’ घरगुती उपाय नक्की करा

दही फेशिअल कसे करावे?

• फेशिअल करण्याआधी त्वचा स्वच्छ करून घ्या. यासाठी थंड पाण्याने त्वचा धुवा. त्यानंतर फेशिअल करताना त्वचा क्लिन करणे आवश्यक आहे. यासाठी एक वाटीमध्ये दही घेऊन त्यात गुलाबी पाणी टाकून मिक्स करा. त्यानंतर तयार मिश्रण त्वचेवर लावून काही वेळ मसाज करा. मसाज करून झाल्यानंतर त्वचा कापसाच्या सहाय्य्यने स्वच्छ करून घ्या.
• फेशिअलची दुसरी स्टेप म्हणजे स्क्रबिंग. स्क्रबिंग केल्यामुळे त्वचेवरील मृत त्वचा निघून जाऊन त्वचा उजळदार आणि चमकण्यास मदत होते. यासाठी एक वाटीमध्ये दही घेऊन त्यात किसलेला बीट टाकून मिक्स करून घ्या. त्यानंतर तयार मिश्रण हाताने चेहऱ्यावर आणि मानेवर लावून काहीवेळ मसाज करून घ्या. यामुळे मृत त्वचा निघून जाण्यास मदत होईल. मृत त्वचा निघून गेल्यानंतर त्वचा स्वच्छ होईल. तसेच त्वचेवर योग्य पद्धतीने स्क्रबिंग केल्यास हळूहळू त्वचा सुंदर दिसेल.

हे देखील वाचा: तुम्हालाही डोळ्यांच्या पापण्या जाड करायच्या आहेत का? जाणून घ्या टिप्स

• फेशिअलची तिसरी स्टेप आहे मसाजिंग. मसाज केल्यामुळे त्वचेवर स्नायूंचे रक्तभिसरण सुधारण्यास मदत होते. रक्तभिसरण वाढल्यामुळे त्वचा चमकदार होऊन चेहऱ्यावरील ग्लो वाढण्यास मदत होईल. यासाठी वाटीमध्ये दही घेऊन त्यात कॉफी पावडर मिक्स करून घ्या. तयार केलेले मिश्रण चेहरा आणि मानेला लावून हाताने मसाज करा. यामुळे त्वचेला अनेक फायदे होतील.
• फेशिअलची शेवटची स्टेप म्हणजे फेसपॅक. फेसपॅक लावल्याशिवाय फेशिअल पूर्ण होत नाही. फेसपॅक बनवण्यासाठी वाटीमध्ये दही घेऊन त्यात बेसन आणि हळद मिक्स करून मिश्रण तयार करा. जाडसर तयार केलेले मिश्रण संपूर्ण चेहऱ्याला लावून काहीवेळ सुकण्यासाठी ठेवा. फेसपॅक सुकल्यानंतर थंड पाण्याने चेहरा स्वच्छ धुवून घ्या.

टीप – आम्ही देत असलेली माहिती ही तज्ज्ञांशी बोलून आणि रिसर्च करून देत आहोत. हा लेख केवळ तुमच्या माहितीसाठी लिहिण्यात आला आहे. प्रत्येकाची त्वचा वेगळी असते, त्यामुळे कोणत्याही प्रकारचा उपाय करण्यापूर्वी पॅच टेस्ट करायला विसरू नका.