वयाच्या साठीनंतर छातीतील संसर्ग ठरू शकतो जीवघेणा! वेळीच घ्या योग्य उपचार; श्वसन रोगतज्ज्ञांनी केले आवाहन
मुंबईतील ब्रीच कँडी हॉस्पिटल येथे उपचार सुरू असताना ९३ वर्षीय ज्येष्ठ गायिका आशा भोसले यांचे रविवारी शरीरातील बहुतांश अवयव निकामी झाल्याने निधन झाले. त्यांना दाखल केले तेव्हा हृदयाचा झटका आला अशी चर्चा होती, मात्र छातीतील संसर्गही कारण पुढे आले. या पार्श्वभूमीवर ‘छातीतील संसर्गे’ वयोमानानुसार धोकादायक ठरतो हे स्पष्ट होत आहे. यावर बोलताना शिवडी टीबी रुग्णालयाचे माजी वैद्यकीय अधीक्षक आंतरराष्ट्रीय श्वसन रोगतज्ज्ञ डॉ. राजेंद्र ननावरे यांनी सांगितले की, छातीतील संसर्ग म्हणजे फुफ्फुस आणि श्वसनमार्गावर होणारा संसर्ग होय. हा प्रामुख्याने विषाणू (व्हायरल इन्फेक्शन) किंवा जिवाणूंमुळे होतो.(फोटो सौजन्य – istock)
ब्रॉन्कायटिस: श्वसननलिकांमध्ये सूज येते. सतत खोकला, कफ, छातीत जडपणा आणि श्वास घेण्यास त्रास ही लक्षणे दिसतात.
निमोनिया: अधिक गंभीर स्थिती. फुफ्फुसांमध्ये द्रव साचतो, ऑक्सिजनची पातळी घसरते आणि रुग्णाची प्रकृती झपाट्याने खालावू शकते.
सतत खोकला (कोरडा किंवा कफयुक्त)
छातीत जडपणा किंवा वेदना
श्वास घेण्यास त्रास
थकवा, अशक्तपणा
ताप, थंडी वाजणे
पिवळा/हिरवा कफ
योग्य काळजी घेणे आवश्यक
६० वर्षांवरील व्यक्ती, लहान मुले आणि कमी प्रतिकारशक्ती असलेल्यासाठी वेस्ट इन्फेक्शन गंभीर ठरू शकते. वेळेत उपचार न झाल्यास सायलेंट किलर’ ठरू शकते.
विशेषतः ज्येष्ठ नागरिकांमध्ये रोगप्रतिकारक शक्ती कमी झालेली असल्यामुळे त्यांना अशा संसर्गाचा धोका अधिक असतो. सुरुवातीला ही लक्षणे साध्या सर्दी-खोकल्यासारखी वाटतात जसे की खोकला, ताप, थकवा किवा श्वास घेण्यास त्रास, पण वेळेवर उपचार न घेतल्यास हा संसर्ग वाढून फुफ्फुसांवर परिणाम करतो. गंभीर अवस्थेत फुफ्फुसाची कार्यक्षमता कमी होऊन शरीरातील ऑक्सिजनची पातळी घटते, ज्यामुळे रेस्पिरेटरी फेल्युअर (श्वसन अपयश) होऊ शकते. यामुळे हृदयावर ताण येऊन हार्ट अटॅक किंवा कार्डिएक अरेस्टचा धोका वाढत असल्याचे डॉ ननावरे म्हणाले.
आशा ताईंना गायनासोबतच होती पाककलेची आवड! रिकाम्या वेळेत स्वतः बनवण्याच्या ‘हे’ चविष्ट पदार्थ
लक्षणे दिसताच डॉक्टरांचा सल्ला घ्यावा. रोगप्रतिकारक शक्ती वाढवण्यासाठी विटामिन ‘सी’युक्त आहार घ्यावा, पुरेशी विश्रांती घ्यावी आणि स्वतःहून औषधे घेण्याचे टाळावे.ही घटना केवळ एका दिग्गज कलावंताच्या निधनापुरती मर्यादित नसून, चेस्ट इन्फेक्शनसारख्या ‘साध्या’ वाटणाऱ्या आजाराकडे दुर्लक्ष किती धोकादायक ठरू शकते, याची तीव्र जाणीव करून देणारी आहे.
