कमी वेळात बनणारा टेस्टी नाश्ता; ब्रेड आणि पनीरची परफेक्ट डिश

सकाळ सकाळी कामावर जाण्याच्या घाईत नाश्त्याला असे काय बनवावे जे बनवण्यात पण वेळ जाणार नाही आणि खाण्यातही हेल्दी आणि टेस्टी असेल? तुम्हालाही असा प्रश्न पडला असेल तर हा लेख संपूर्ण वाचा. तुम्हाला 'ही' रेसिपी नक्कीच आवडेल.

उशीर होणे साहजिक असते. लहान मुले नेहमीच त्यांच्या शाळेसाठी उशीर करत असतात. आपणही अनेकदा आपल्या ऑफिसला जाण्यासाठी उशीर केलाच असेल. ही वेळ कुणावरही येऊ शकते. अनेकदा उशीर झाल्यावर लोक काहीच न खाता पिता भुकेल्या पोटी तसेच घराबाहेर पडतात. याचा परिणाम त्यांच्या कार्यक्षमतेवर दिसून येतो. सकाळी घाईमध्ये रिकाम्या पोटी घराबाहेर पडून दिवसभर आपले शरीर कमकुवत राहते. अंगात काही जोर राहत नाही. जर दिवसाची सुरुवात हेल्दी आणि टेस्टी असली तर दिवसपण कसा टवटवीत जातो. शरीरामध्ये एक वेगळीच ऊर्जा असते. त्यामुळे सकाळी हेल्दी आणि टेस्टी नाश्ता करणे तर गरजेचेच असते. जर तुम्ही त्याला उशीर झाल्यामुळे सोडून देत आहात, तर तुम्ही स्वतःहून तुमच्या कार्यक्षमतेला डिवचत आहात.

कमी वेळात हेल्दी आणि टेस्टी नाश्ता कसा बनवावा? या विचारात असाल. तर हा लेख तुमच्यासाठीच आहे. या लेखात आपण ब्रेड आणि पनीरपासून मसाला फ्रेंच टोस्ट बनवायला शिकणार आहोत. ज्याच्या सेवनानारे तुमचा दिवस नक्कीच उत्तम जाणार आहे. चला तर जाणून घेऊयात मसाला फ्रेंच टोस्ट बनवण्याची सोपी रेसिपी:

हे सुद्धा वाचा : पुरुषांना आपल्यापेक्षा वयाने मोठ्या असलेल्या स्त्रीया का आवडतात? जाणून घ्या मुख्य कारणे

साहित्य:

• ब्रेड – 3-4 पीस
• पनीर – अर्धा कप
• हिरवी मिरची- १-२
• लसूण -3-4
• कांदा- १-२
• टोमॅटो- १-२
• शिमला मिरची- १
• लाल मिरची पावडर – अर्धा टीस्पून
• हळद पावडर – अर्धा टीस्पून
• धनिया पावडर – 1 टीस्पून
• काळी मिरी – 1 टीस्पून
• मीठ – चवीनुसार
• तेल – १ चमचा

कृती :

• सर्वप्रथम, एका पॅनमध्ये थोडं तेल टाकून गरम करा.
• तेल गरम झाल्यावर त्यात बारीक चिरलेला लसूण, कांदा, टोमॅटो, शिमला मिर्ची, आणि हिरवी मिर्ची घालून चांगलं परतून घ्या.
• मग त्यात लाल तिखट, मिरी पूड, धणे पूड, आणि चवीनुसार मीठ घालून सर्व काही नीट मिसळा.
• त्यानंतर, या मिश्रणात थोडं पाणी घालून पॅन झाकून मिश्रण काही वेळ शिजवून घ्या.
• मिश्रण शिजल्यानंतर त्यात किसलेलं पनीर घाला आणि चांगलं मिक्स करा. जर पनीर उपलब्ध नसेल, तर त्याच्या ऐवजी अंडीही घालू शकता.
• मिश्रण नीट तयार झाल्यानंतर, ते थोडं थंड होऊ द्या.
• थंड झालेलं मिश्रण ब्रेडच्या तुकड्यांमध्ये भरा.
• आता हे भरलेले ब्रेड तव्यावर दोन्ही बाजूंनी व्यवस्थित तळून घ्या.
• तुमचा मसाला फ्रेंच टोस्ट तयार आहे! त्याचा मनपसंद चटणीसोबत आनंद घ्या.