साबुदाण्याचे फ्राइज कधी खाल्ले आहेत का? उपवासावेळी एकदा नक्की बनवून पहा

उपवासाचे तेच तेच पदार्थ खाऊन कंटाळा आला असेल आणि काही नवीन ट्राय करायचे असेल तर यंदाच्या उपवासाला ही हटके रेसिपी एकदा नक्की ट्राय करून पहा. ही रेसिपी अगदी कमी वेळेत बनून तयार होते.

Follow Us:

Follow Us:

भारतीय खाद्यसंस्कृती ही वैविध्येने नटलेली आहे. देशात अनेक वेगवगेळ्या प्रकारचे खाद्यपदार्थ उपलब्ध आहे. आता जसजसा वेळ बदलतो तसतसे हे पदार्थांचे पर्याय देखील बदलले जातात. जसे की नाश्त्याचे पदार्थ, जेवणाचे पदार्थ, गोडाचे पदार्थ आणि यात आणखीन एक प्रकार म्हणजे उपवासाचे पदार्थ! देशात अनेक धार्मिक लोक आहेत, जे देवावरच्या आपल्या श्रद्धेसाठी उपवास-व्रत करत असतात. उपवासावेळी अनेक पदार्थ खाणे वर्ज्य असते तर काही ठराविक पदार्थांचे सेवन केले जाते.

उपवासाचे तेच तेच निवडक पदार्थ खाऊन जर तुम्हाला कंटाळा आला असेल आणि काही नवीन चवदार असे खायचे असेल तर तुमच्यासाठी आजची ही रेसिपी एक उत्तम पर्याय आहे. आज आम्ही उपवासात अधिकतर खाल्ल्या जाणाऱ्या साबुदाण्यापासून टेस्टी असे कुरकुरीत फ्राइज कसे तयार करायचे याची एक सोपी आणि चविष्ट रेसिपी सांगत आहोत. मुख्य म्हणजे, फार कमी वेळेत तुम्ही ही रेसिपी तयार करू शकता. यासाठी लागणारे साहित्य आणि कृती जाणून घ्या.

हेदेखील वाचा – सकाळच्या नाश्त्याला बनवा टेस्टी मसाला फ्रेंच टोस्ट, अवघ्या 10 मिनिटांत तयार होते रेसिपी

साहित्य

• 2 कप साबुदाणा
• 2 उकडलेले बटाटे
• 1 चमचा कुटलेले जिरे
• 7-8 हिरवी मिरच्या
• 1 वाटी कोथिंबीर
• बारीक केलेली लाल मिरची चवीनुसार
• बारीक केलेली काळी मिरी चवीनुसार
• शेंगदाण्याचे कूट चवीनुसार
• मीठ चवीनुसार
• तेल आवशक्यतेनुसार

हेदेखील वाचा – Recipe: हॉटेलसारखी परफेक्ट पावभाजी घरी कशी बनवावी? जाणून घ्या सोपी पद्धत

कृती

• साबुदाण्याचे फ्राइज बनवण्यासाठी सर्वप्रथम साबुदाणे रात्रभर किंवा काही तास भिजवून घ्या
• मग मिक्सरमध्ये याची बारीक पेस्ट तयार करून घ्या
• आता ही साबुदाण्याची पावडर एका भांड्यात काढा आणि यात जिरे कूट, कोथिंबीर, हिरव्या मिरच्या, लाल
• मिरच्या, काळी मिरी व मीठ टाकासर्व साहित्य व्यवस्थित एकजीव करा
• आता यात उकडलेले बटाटे मॅश करून घाला आणि मिक्स करा
• आता तयार मिश्रणाचे गोळे तयार करा
• या गोळ्यांना फ्राइजप्रमाणे उभा आकार द्या
• दुसरीकडे गॅसवर एका कढई ठेवा आणि यात तेल टाका
• तेल तापले की तयार साबुदाण्याचे फ्राइज यात टाकून मध्यम आचेवर छान तळून घ्या
• फ्राइजना सोनेरी रंग आला आणि हे कुरकुरीत झाले की एका प्लेटमध्ये यांना काढून घ्या
• तयार साबुदाण्याचे फ्राइज दही किंवा नारळाच्या चटणीसोबत सोबत खाण्यासाठी सर्व्ह करा

Web Title: Make sago french fries note easy recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com