घरी आलेल्या पाहुण्यांसाठी झटपट बनवा क्रिस्पी पनीर बाईट्स, चव अशी की सर्वच होतील खुश

अचानक घरी पाहुणे की आपली तारांबळ उडते. अशा वेळेस त्यांच्यासाठी झटपट आणि स्वादिष्ट असे काय करावे असा प्रश्न आपल्या मनात येऊ लागतो. आज आम्ही तुमच्यासोबत स्नॅक्सची एक चविष्ट रेसिपी शेअर करत आहोत. ही रेसिपी लहानांपासून मोठ्यांपर्यंत सर्वांनाच फार आवडेल. या रेसिपीने तुम्ही सर्वांची मनं जिंकू शकता.

Follow Us:

Follow Us:

अनेकदा अचानक आपल्या घरी पाहुणे आले की त्यांच्यासाठी काय बनवावे ते आपल्याला सुचत नाही. अशा परिस्थितीत आपण एका झटपट रेसिपीच्या शोधात असतो. तुम्हीही एका झटपट आणि स्वादिष्ट रेसिपीच्या शोधात असाल तर आजची ही बातमी तुमच्या फायद्याची ठरणार आहे. अनेकांना पनीर हा पदार्थ खायला फार आवडतो. यापासून वेगवगेळे पदार्थ बनवले जातात. जसे की, पनीर टिक्का, पनीर पराठा, मटार पनीर मात्र आज आम्ही तुमच्यासोबत पनीरची एक चविष्ट आणि कुरकुरीत अशी रेसिपी शेअर करत आहोत.

आजच्या आपल्या रेसिपीचे नाव आहे क्रिस्पी पनीर बाईट्स. स्नॅक्ससाठी एक उत्तम पर्याय आहे. मुख्य म्हणजे, ही रेसिपी फार कमी साहित्यापासून आणि कमी वेळेत बनून तयार होते. तुम्ही या रेसिपीने सर्वांचे मन जिंकू शकता. ही रेसिपी लहानांपासून मोठ्यांपर्यंत सर्वांनाच फार आवडेल. जाणून घ्या यासाठी लागणारे साहित्य आणि कृती.

हेदेखील वाचा – हॉटेल सारखा कुरकुरीत पेपर डोसा आता घरीच बनवा, त्वरित रेसिपी नोट करा

साहित्य

• 200 ग्रॅम पनीर
• 1 चमचा लाल मिरची पावडर
• ½ चमचा मीठ
• ½ चमचा धने पावडर
• आले-लसूण पेस्ट
• कॉर्नफ्लोर
• मैदा

हेदेखील वाचा – मैद्याचे नूडल्स खाणे सोडा, लहान मुलांसाठी घरीच तयार करा पौष्टिक बटाट्याचे नूडल्स

कृती

• क्रिस्पी पनीर बाईट्स बनवण्यासाठी सर्वप्रथम एका भांड्यात पनीर घ्या आणि याचे चौकोनी तुकडे करा
• मग यात १ चमचा लाल मिरची पावडर, ½ चमचा मीठ, ½ चमचा गरम मसाला, ½ चमचा धने पावडर आणि आले-लसूण पेस्ट घाला
• सर्व साहित्य नीट एकजीव करा आणि 10 मिनटे बाजूला ठेवून द्या
• आता एक दुसरे भांडे घ्या आणि यात २ चमचे कॉर्नफ्लोर, १ चमचा मैदा आणि पाणी टाकून एक स्लरी तयार करा
• यांनतर गॅसवर एक कढई ठेवा आणि यात तेल टाका
• तेल तापले की मॅरिनेटेड पनीर स्लरीमध्ये बुडवा
• स्लरीमध्ये बुडवल्यानंतर यांना ब्रेड क्रम्समध्ये कोट करा आणि तेलात टाका
• मध्यम आचेवर हे पनीरचे तुकडे छान कुरकुरीत होईपर्यंत तळा आणि प्लेट मध्ये काढा
• अशाप्रकारे तुमचे क्रिस्पी पनीर बाईट्स तयार होईल
• तयार क्रिस्पी पनीर बाईट्स तुम्ही सॉससोबत खाण्यासाठी सर्व्ह करा

Web Title: Quickly make crispy paneer bites at home easy snacks recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com