मैद्याचे नूडल्स खाणे सोडा, लहान मुलांसाठी घरीच तयार करा पौष्टिक बटाट्याचे नूडल्स

बाहेरचे अनहेल्दी नूडल्स सोडा आणि लहान मुलांसाठी घरीच तयार करा पौष्टिक बटाट्याचे नूडल्स. तुम्हाला माहिती आहे का? तुम्ही मैद्याशिवायदेखील नूडल्स तयार करू शकता. हे नूडल्स चवीबरोबरच आरोग्यासाठीही फायदेशीर ठरतात. लहान मुले अनेकदा पौष्टिक पदार्थ खाताना नाक मुरडत असतात अशा वेळेस तुम्ही त्यांना आजची ही रेसिपी बनवून खाऊ घालू शकता.

Follow Us:

Follow Us:

सध्याच्या जगात फास्ट फूड खाण्याचे प्रमाण फार वाढले आहे. यातही अनेकांना चायनीज पदार्थ खाणे विशेष करून आवडू लागतात. यात फ्राईड राइस, नूडल्स, मॅच्युरिअन अशा पदार्थांचा समावेश होतो. खास करून लहान मुलांना तर असे पदार्थ खायला फारच आवडतात. मात्र नियमितपणे या पदार्थांचे सेवन करणे आपल्या आरोग्यासाठी हानिकारक ठरू शकते. अशा परिस्थितीत आज आम्ही तुमच्यासाठी अशाच एका पदार्थाची रेसिपी घेऊन आलो आहोत.

मात्र या पदार्थाला आपण एक वेगळा टच देणार आहोत. मैद्यापासून तयार केले जाणारे नूडल्स तुम्ही अनेकदा खाल्ले असतील. बऱ्याचदा लहान मुले हे नूडल्स घेण्याचा हट्ट करतात अशात तुम्ही त्यांच्यासाठी घरीच पौष्टीक आणि चटपटीत असे बटाट्याचे नूडल्स बनवून खायला घालू शकता. हे नूडल्स चवीला फार अप्रतिम लागतात आणि बनवायलाही फार सोपे आहेत. जाणून घ्या यासाठी लागणारे साहित्य आणि कृती.

हेदेखील वाचा – हॉटेल सारखी मसालेदार दाल खिचडी आता घरीच बनवा, चव अशी की सर्वजण बोट चाटत राहतील

साहित्य

• 2 मोठ्या आकाराचे बटाटे
• 100 ग्रॅम कॉर्न फ्लोअर
• चवीनुसार मीठ
• बारीक चिरलेला लसूण
• चिली फ्लेक्स
• सोया सॉस
• चिली सॉस
• कांद्याची पात
• आवडीच्या भाज्या (कोबी, शिमला मिरची, गाजर)
• पाणी
• तेल

हेदेखील वाचा – Recipe: आता घरीच बनवा स्ट्रीट स्टाइल कुरकुरीत कोबी मंचुरियन

कृती

• बटाट्याचे नूडल्स तयार करण्यासाठी सर्वप्रथम तीन ते चार बटाटे उकडून घ्या
• नंतर बटाट्यांची साल काढून मॅश करून घ्या
• आता यात कॉनफ्लोर आणि मीठ टाका आणि मिक्स करा
• हे मिश्रण अगदी पिठासारखे घट्ट मळून घ्या
• आता शेवेच्या साच्यात हे पीठ टाकून याचे नूडल्स पाडून घ्या
• तुमच्याकडे साचा नसल्यास तुम्ही चपातीप्रमाणे लाटून चाकूच्या साहाय्याने उभे कापून याचे नूडल्स बनवू शकता
• आता गॅसवर एक भांडे ठेवा आणि यात पाणी टाका
• पाणी उकळले की यात तयार नूडल्स टाका आणि काही मिनिटे शिजवा
• आता हे तयार नूडल्स थंड पाण्यात टाकून ठेवा
• दुसरीकडे गॅसवर कढई ठेवून त्यात तेल टाका
• आता यात बारीक चिरलेला लसूण, चिली फ्लेक्स, सोया सॉस, चिली सॉस आणि मीठ टाका
• आता यात तुमच्या आवडीच्या भाज्या टाका आणि काही मिनिटे परतून घ्या
  शेवटी यात नूडल्स आणि कांद्याची पात टाका आणि हलक्या हाताने मिक्स करा
• अशाप्रकारे तुमचे चविष्ट बटाट्याचे नूडल्स तयार होतील

Web Title: How to make potato noodles recipe at home for kids potato noodles recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com