Holi 2026 : सणाचा आनंद करा द्विगुणित, घरी बनवा चटकदार चवीची ‘पाणी फुलकी’, अजून खाली नाही? तर आता ट्राय करा

Pani Phulki Recipe : पाणी फुलकी हा तिखट, आंबट आणि चटपटीत चवींचा परफेक्ट संगम आहे. बेसनाचे कुरकुरीत वडे चटपटीत थंड पाण्यात मिसळून याला खाल्ले जाते. याची चव तुम्ही एकदा चाखायलाच हवी.

(फोटो सौजन्य: Pinterest)

Follow Us:

Follow Us:

• कोथिंबीर, पुदिना, चिंच आणि मसाल्यांपासून तिखट-आंबट पाणी तयार केले जाते.
• बेसन, ओवा आणि मसाले घालून मध्यम घट्ट घोळ तयार करून फुलक्या तळल्या जातात.
• तळलेल्या फुलक्या पाण्यात भिजवून कांदा आणि कोथिंबीर घालून थंडगार सर्व्ह केल्या जातात.

होळी सणाचा आनंद वाढवण्यासाठी घरी बनवा थंडगार पान शॉट्स, गारेगार ड्रिंक पिऊन व्हाल फ्रेश

होळी, गेट-टुगेदर किंवा खास संध्याकाळी चटपटीत काहीतरी खायची इच्छा झाली की पाणी फुलकी हा उत्तम पर्याय आहे. पाणी फुलकी हा एक असा पदार्थ आहे ज्यात बेसनाचे कुरकुरीत वडे झणझणीत आणि चटपटीत पाण्यात मिसळून खाल्ले जातात. याची चव लाजवाब लागते. अनार्यांत जर तुम्ही हा पदार्थ चाखला नसेल तर होळीनिमित्त घरी एकदा ही डिश नक्की बनवून खा. चला तर मग रेसिपीसाठी लागणारे साहित्य आणि कृती जाणून घेऊया.

साहित्य

फुलकीसाठी:

• १ कप बेसन
• चवीनुसार मीठ
• १ छोटा चमचा ओवा
• ½ छोटा चमचा लाल तिखट
• १ चिमूट बेकिंग सोडा
• तळण्यासाठी तेल

• २ मूठ कोथिंबीर
• १ मूठ पुदिना
• १ छोटा तुकडा आलं
• ३–४ हिरव्या मिरच्या
• ½ कप चिंचेचा कोळ
• २ छोटे चमचे चाट मसाला
• १ छोटा चमचा भाजलेले जिरेपूड
• १ छोटा चमचा काळं मीठ
• चवीनुसार मीठ
• १ लिंबाचा रस
• १ बारीक चिरलेला कांदा
• १ छोटा चमचा लाल मिरची फ्लेक्स
• बर्फाचे तुकडे

कृती

• सर्वप्रथम कोथिंबीर, पुदिना, आलं आणि हिरव्या मिरच्या मिक्सरमध्ये बारीक वाटून घ्या. त्याची हिरवी चटणी तयार करून बाजूला ठेवा.
  चिंच कोमट पाण्यात भिजवून तिचा कोळ काढा आणि गाळून घ्या.
• आता एका मोठ्या भांड्यात हिरवी चटणी, चिंचेचा कोळ, चाट मसाला, जिरेपूड, काळं मीठ, साधं मीठ, लिंबाचा रस, बारीक चिरलेला कांदा, लाल मिरची फ्लेक्स आणि बर्फाचे तुकडे घालून सर्व मिश्रण छान एकजीव करा. हे पाणी थंड होण्यासाठी बाजूला ठेवा.
• एका भांड्यात बेसन घ्या. त्यात मीठ, ओवा आणि लाल तिखट घालून मिसळा. थोडं-थोडं पाणी घालत मध्यम घट्टसर पीठ (घोळ) तयार करा.
• यानंतर त्यात एक चिमूट बेकिंग सोडा घालून हलक्या हाताने ढवळा. लक्षात ठेवा की घोळ ना फार पातळ ना फार घट्ट असावा.
• कढईत तेल गरम करा. तेल गरम झाल्यावर त्यात छोट्या-छोट्या गोळ्यांसारख्या फुलक्या टाका आणि मध्यम आचेवर सोनेरी होईपर्यंत तळून घ्या.
• सर्व फुलक्या तयार झाल्यावर त्या थोड्या वेळासाठी तयार पाण्यात भिजत ठेवा.
• भिजवलेल्या फुलक्या एका बाउलमध्ये काढा. वरून थोडा कांदा आणि कोथिंबीर घालून थंडगार सर्व्ह करा.
• अधिक आंबट चव हवी असल्यास चिंचेचा कोळ थोडा वाढवू शकता.
• पाणी सर्व्ह करण्यापूर्वी ३० मिनिटे फ्रिजमध्ये ठेवल्यास चव अधिक खुलते.
• गोड चव आवडत असल्यास थोडासा गूळ किंवा खजूर चटणीही घालू शकता.

Web Title: Holi 2026 make delicious pani phulki at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com