बुधवार, 21 ऑक्टोबर 2026
श्रीमंतांचा थाट हा वेगळाच असतो. याला साबण देखील अपवाद नाही. 24 कॅरेट सोन्याचा हा साबण अगदी राजेशाही लुकमध्ये दिसतो. या साबणाचीदेखील गोष्ट आहे. हा साबण दुबईत तयार केला जातो. 24 कॅरेट सोनं आणि इतर दुर्मिळ अशा नैसर्गिक साधनांनी हा तयार केला जातो. अशा आयुर्वेदिक वनस्पती ज्या त्वचेसाठी अत्यंत फायदेशीर आहेत अशांचा समावेश यात आहे. पुर्णत: नैसर्गिक असलेला हा साबण त्वचा कोमल आणि तजेलदार ठेवण्यासाठी मदत करतं असं म्हटलं जातं. सोनं हे त्वचा उजळवतं आणि दुर्मिळ साधनांचा वापर यात असल्याने याला सुगंध देखील तितकास खास येतो.
लेबनान येथील त्रिपोली शहरात सोन्याच्या साबणाची फॅक्टरी आहे. बदर हसन अँड सन्स ही कंपनी सोन्याचा साबण बनवण्यासाठी प्रसिद्ध आहे. सुगंधित तेल आणि सामग्रींचा यात समावेश असून अस्सल सोन्याचा लेप असल्याने या साबणाला राजेशाही थाट मिळतो. हा साबण संयुक्त अरब अमिराती (यूएई) मधील निवडक दुकानांमध्ये विकला जातो, त्यामुळे फक्त खास व्यक्तींना आणि जवळच्या पाहुण्यांना जगभरातील अनेक श्रीमंत माणसं हा साबण भेट म्हणून देतात. हा साबण सामान्य बाजारात सहज मिळत नाही. यूएईमधील काही खास दुकानांमध्ये तो विकला जातो, तर सर्वात महाग प्रकार फक्त खास व्यक्तींसाठी राखीव आहे.त्यामुळे याची किंमत लाखाच्या घरात आहे. बीसीच्या अहवालानुसार, सोन्याची पावडर यात असल्याने साबणाची पृष्ठभाग खडबडीत वाटतो, पण तो त्वचेला कोणत्याही प्रकारची ईजा करत नाही.
