नारळीपोर्णिमेनिमित्त बनवा महिनाभर व्यवस्थित टिकून राहणाऱ्या ओल्या खोबऱ्याच्या चविष्ट करंज्या, नोट करून घ्या रेसिपी

ओल्या खोबऱ्याच्या करंज्या बनवल्यानंतर त्या लवकर खराब होतात. त्यामुळे सारण तयार करताना खोबऱ्यात अजिबात ओलसरपणा ठेऊ नये. यामुळे करंजी लवकर मऊ होते आणि खराब होण्याची शक्यता असते. चला तर जाणून घेऊया रेसिपी.

नारळीपोर्णिमेनिमित्त बनवा महिनाभर व्यवस्थित टिकून राहणाऱ्या ओल्या खोबऱ्याच्या चविष्ट करंज्या

Follow Us:

Follow Us:

संपूर्ण राज्यभरात सगळीकडे नारळी पौर्णिमेचा मोठा उत्साह आहे. श्रावण महिन्यात येणाऱ्या प्रत्येक सणाला धार्मिक महत्व आहे. नारळी पौर्णिमेच्या दिवशी करून सोन्याचा नारळ अर्पण केला जातो. याशिवाय ओल्या खोबऱ्याचा वापर करून वेगवेगळे पदार्थ सुद्धा बनवले जातात. नारळी भात, खोबऱ्याच्या वड्या आणि खोबऱ्याच्या करंज्या अतिशय आवडीने बनवल्या जातात. बऱ्याचदा ओल्या खोबऱ्याच्या वड्या बनवल्यानंतर त्या लवकर खराब होऊन जातात. खोबऱ्यातील ओलसरपणा पूर्णपणे आटून गेल्यास पदार्थ खराब होत नाही. त्यामुळे सारण तयार करताना खोबऱ्याच्या किसातील पाणी पूर्णपणे आटवावे. म्हणूनच आज आम्ही तुम्हाला सोप्या पद्धतीमध्ये ओल्या खोबऱ्याच्या करंज्या बनवण्याची झटपट होणारी रेसिपी सांगणार आहोत. हा पदार्थ घरातील प्रत्येक व्यक्तीला खूप जास्त आवडेल. चला तर जाणून घेऊया रेसिपी.(फोटो सौजन्य – pinterest)

Chana Dal Palak Chilla: चवही भारी, पौष्टिकही! नाश्त्यासाठी परफेक्ट पर्याय! झटपट बनवा चणा डाळ-पालक चीला; रेसिपी नोट करा

साहित्य:

• ओल्या खोबऱ्याचा किस
• तूप
• सुका मेवा
• वेलची पावडर
• जायफळ पावडर
• मैदा
• गव्हाचं पीठ
• साखर
• मीठ

कृती:

• ओल्या खोबऱ्याच्या करंज्या बनवण्यासाठी सर्वप्रथम, ताटात मैदा, गव्हाचं पीठ आणि चवीनुसार मीठ, गरम केलेले तूप घालून व्यवस्थित मिक्स करा.
• त्यानंतर तयार केलेल्या मिश्रणात आवश्यकतेनुसार पाणी घालून घट्टसर कणिक मळून घ्या.
• कढईमध्ये तूप गरम करून त्यात मनुके आणि सुका मेवा वेगवेगळे भाजा. त्यानंतर त्यात पुन्हा एकदा तूप घालून ओल्या खोबऱ्याचा किस आणि साखर घालून व्यवस्थित मिक्स करा.
• साखर मिश्रणात व्यवस्थित मिक्स झाल्यानंतर त्यात वेलची पावडर, जायफळ पावडर आणि तळून घेतलेला सुका मेवा घालून व्यवस्थित मिक्स करा.
• ओल्या खोबऱ्याच्या मिश्रणाचा घट्टसर गोळा तयार झाल्यानंतरच गॅस बंद करावा.
• मळून घेतलेल्या पिठाचे छोटे छोटे गोळे करून पुरी लाटून घ्या आणि त्यात तयार केलेला खोबऱ्याचा किस भरून करंजीच्या आकारात कापा.
• कढईमधील गरम तेलात मदन आचेवर करंजी दोन्ही बाजूने सोनेरी होईपर्यंत तळून घ्या.
• तयार आहेत नारळीपोर्णिमेनिमित्त बनवलेल्या ओल्या खोबऱ्याच्या करंज्या.

Web Title: How to make coconut karanji at home simple food recipe narali purnima recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com