अजिबात कडवट होणार नाहीत मेथीचे लाडू! या सोप्या टिप्स फॉलो करून बनवा हेल्दी चविष्ट लाडू, लहान मुलांसह मोठेसुद्धा खातील आवडीने

आज आम्ही तुम्हाला सोप्या पद्धतीमध्ये मेथीचे लाडू बनवण्याची कृती सांगणार आहोत. या पद्धतीने बनवलेले मेथी लाडू चवीला अतिशय सुंदर लागतात. चला तर जाणून घेऊया मेथी लाडू बनवण्याची सोपी रेसिपी.

अजिबात कडवट होणार नाहीत मेथीचे लाडू! या सोप्या टिप्स फॉलो करून बनवा हेल्दी चविष्ट लाडू

Follow Us:

Follow Us:

थंडीच्या दिवसांमध्ये शरीरात उष्णता टिकवून ठेवण्यासाठी मेथीचे लाडू, डिंकाचे लाडू, ड्रायफ्रूट लाडू इत्यादी अनेक वेगवेगळ्या प्रकारचे लाडू बनवले जातात. लाडू बनवताना वापरले जाणारे सर्व पदार्थ शरीरासाठी अतिशय गुणकारी ठरतात. त्यामुळे हिवाळ्यात उष्ण पदार्थांचे सेवन करावे. मेथीचे लाडू सगळ्यांचं खायला आवडतात. पण लहान मुलं कडू चवीमुळे मेथीचे लाडू खाण्यास नकार देतात. म्हणूनच आज आम्ही तुम्हाला मेथीच्या लाडूमधील कडवटपणा कमी करण्यासाठी काही सोप्या टिप्स सांगणार आहोत. या पद्धतीने बनवलेले मेथीचे लाडू अजिबात कडवट होणार नाहीत. आरोग्यासाठी मेथी दाणे अतिशय प्रभावी ठरतात. मेथी दाण्यांमध्ये असलेल्या घटकांमुळे रक्तात वाढलेली साखर नियंत्रणात राहते आणि मधुमेहाचा धोका टाळतो. मेथीचे लाडू शरीरासाठी धोकादायक ठरत नाही. त्यामुळे लहान मुलांपासून अगदी मोठ्यांपर्यंत सगळेच मेथीचा पौष्टिक लाडू खाऊ शकतात. चला तर जाणून घेऊया सोप्या पद्धतीमध्ये मेथीचे लाडू बनवण्याची कृती.(फोटो सौजन्य – istock)

शरीरात कायमच टिकून राहील उबदारपणा! सोप्या पद्धतीमध्ये घरी बनवा मक्याचे दाण्यांचे पौष्टिक सूप, नोट करून घ्या रेसिपी

साहित्य:

• मेथी दाणे
• सुका मेवा
• वेलची पावडर
• तूप
• डिंक
• अळशीच्या बिया
• भोपळ्याच्या बिया
• खोबरं
• गव्हाचं पीठ

कृती:

• मेथीचे लाडू बनवण्यासाठी सर्वप्रथम, कढई गरम करून त्यात मेथी दाणे मंद आचेवर लाल आणि खमंग होईपर्यंत भाजून घ्या.
• त्यानंतर थंड झालेले मेथी दाणे मिक्सरच्या भांड्यात टाकून बारीक पावडर तयार करा. वाटीभर तुपात तयार केलेली मेथी दाण्यांची पावडर भिजत ठेवा.
• कढईमध्ये तूप गरम करून त्यात गव्हाचं पीठ लाल होईपर्यंत मंद आचेवर भाजा. पिठाचा रंग बदलल्यानंतर गॅस बंद करून पीठ काढून थंड होण्यासाठी ठेवा.
• त्याच कढईमध्ये सुकं खोबर, सुका मेवा, अळशीच्या बिया आणि भोपळ्याच्या बिया वेगवेगळ्या भाजा.
• कढईमध्ये थोडस तूप टाकून त्यात डिंक घालून भाजा. थंड झालेले डिंक हाताने कुसकरून घ्या. भाजून घेतलेले सर्व पदार्थ मोठ्या ताटात एकत्र करून घ्या.
• त्यानंतर त्यात किसलेला गूळ घालून व्यवस्थित मिक्स करा. त्यानंतर गरम केलेले तूप घालून लाडू वळून घ्या.
• तयार आहेत सोप्या पद्धतीमध्ये बनवलेले पौष्टिक चवीचे मेथी लाडू.

Web Title: How to make fenugreek ladoo at home simple food recipe winter special recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com