दुपारच्या जेवणासाठी १५ मिनिटांमध्ये बनवा अस्सल पारंपरिक चवीचा मसालेभात, तूप ओल्या खोबऱ्यासोबत लागेल भन्नाट चव

जेवणात कायमच डाळभात खाऊन कंटाळा आल्यास तुम्ही सोप्या पद्धतीमध्ये मसालेभात बनवू शकता. हा पदार्थ घरातील लहान मुलांपासून अगदी मोठ्यांपर्यंत सगळ्यांचं खूप जास्त आवडेल.

दुपारच्या जेवणासाठी १५ मिनिटांमध्ये बनवा अस्सल पारंपरिक चवीचा मसालेभात

Follow Us:

Follow Us:

जेवणात कायमच डाळभात, भाजी चपाती, लोणचं, पापड इत्यादी ठराविक पदार्थ नेहमीच खाल्ले जाते. दुपारच्या जेवणात कायम चपाती भाजी खाऊन कंटाळा आल्यानंतर काहींना काही नवीन पदार्थ खाण्याची सगळ्यांचं खूप जास्त इच्छा होते. नेहमीच तिखट आणि तेलकट पदार्थ खाल्ल्यामुळे शरीराच्या पचनक्रियेवर अतिरिक्त तणाव येण्याची शक्यता असते. त्यामुळे आहारात सहज पचन होणाऱ्या पौष्टिक पदार्थांचे सेवन करावे. म्हणूनच आज आम्ही तुम्हाला अस्सल पारंपरिक चवीचा मसालेभात बनवण्याची सोपी रेसिपी सांगणार आहोत. मसालेभात हा पदार्थ घरातील लहान मुलांपासून अगदी मोठ्यांपर्यंत सगळ्यांचं खूप जास्त आवडतो. मसालेभात, लोणचं किंवा पापड हे कॉम्बिनेशन चवीला अतिशय सुंदर लागते. कमीत कमी वेळात चविष्ट पदार्थ खाण्याची इच्छा झाल्यास तुपाचा वापर करून तुम्ही मसालेभात बनवू शकता. जाणून घ्या चविष्ट मसालेभात बनवण्याची सोपी रेसिपी.(फोटो सौजन्य – pinterest)

Recipe : खमंग-कुरकुरीत, पोटभरणीचा नाश्ता… 10 मिनिटांत तयार तयार करा ‘ज्वारीच्या पिठाचे धिरडे’

साहित्य:

• तांदूळ
• आलं लसूण मिरची पेस्ट
• लाल तिखट
• हळद
• शेंगदाणे
• कांदा
• टोमॅटो
• मिक्स भाज्या
• गरम मसाला
• मीठ
• तूप
• ओल्या खोबऱ्याचा किस
• खडे मसाले
• कोथिंबीर

कृती:

• पारंपरिक चवीचा मसालेभात बनवण्यासाठी सर्वप्रथम, तांदूळ स्वच्छ धुवून काहीवेळा पाण्यात भिजत ठेवा.
• कुकरमध्ये तूप गरम करून त्यात मोहरी आणि हिंग घालून भाजा. त्यानंतर त्यात सर्व खडे मसाले घालून भाजून घ्या.
• त्यानंतर त्यात कांदा आणि टोमॅटो घालून चवीनुसार मीठ घाला. कांदा शिजताना मीठ घातल्यास पदार्थाची चव वाढते आणि भाज्या लवकर शिजतात.
• कांदा व्यवस्थित लाल झाल्यानंतर त्यात आलं लसूण मिरची पेस्ट घालून व्यवस्थित मिक्स करा. नंतर त्यात भाजून घेतलेले शेंगदाणे आणि भाज्या घालून वाफेवर शिजवा.
• भाज्या अर्धवट शिजल्यानंतर त्यात अंदाजानुसार पाणी घालून मिक्स करा. पाण्याला उकळी आल्यानंतर त्यात भिजवलेला तांदूळ आणि बारीक चिरलेली कोथिंबीर घालून व्यवस्थित मिक्स करा.
• कुकरच्या ३ किंवा ४ शिट्ट्या काढून गॅस बंद करा. भाताचे झाकण काढून वरून त्यात खोबऱ्याचा किस आणि चमचाभर तूप घालून मसालेभात खाण्यासाठी सर्व्ह करा.
• तयार आहे अस्सल पारंपरिक पद्धतीमध्ये बनवलेला मसालेभात. हा पदार्थ लहान मुलांपासून मोठ्यांपर्यंत सगळ्यांचं खूप जास्त आवडेल.

Web Title: How to make masalebhat at home traditional masala bhat recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com