Recipe : खमंग-कुरकुरीत, पोटभरणीचा नाश्ता… 10 मिनिटांत तयार तयार करा ‘ज्वारीच्या पिठाचे धिरडे’

Jawar Dhirde Recipe : ज्वारीच्या पिठाचे धिरडे एक पारंपारिक महाराष्ट्रीयन नाश्ता आहे, जो पौष्टिक, चवदार आणि तयार करण्यात सोपा आहे. ज्वारीचे पीठ, मसाले आणि तेल घालून तव्यावर भाजले जाणारे हे धिरडे नाश्त्यासाठी परफेक्ट पर्या

(फोटो सौजन्य: ãhãram)

Follow Us:

Follow Us:

• धिरडे हा महाराष्ट्रातील एक लोकप्रिय नाश्त्याचा प्रकार आहे
• ज्वारीच्या पिठाचे धिरडे चवीबरोबरच आरोग्यासाठीही पौष्टिक ठरतात
• सकाळच्या नाश्त्यासाठी ही एक झटपट रेसिपी आहे

Recipe : तुपात बुडालेली लिट्टी आणि मसालेदार चोखा; युपीची ही पारंपरिक डिश कधी खाल्ली की नाही?

धिरडे म्हणजेच पिठाच्या गोळ्यांना तव्यावर गुळगुळीत करून त्यांची थोडीशी तासून किंवा परतून साकारलेली एक तिखट, चविष्ट आणि हलकी डिश असते. ज्वारीच्या पिठाचे धिरडे खूपच सोपे, कमी तिखट आणि अगदी घरच्या घरी सहज बनवता येणारे असतात. हे धिरडे एका साध्या पण अत्यंत स्वादिष्ट नाश्त्याचे उदाहरण बनतात. चला या रेसिपीसाठी लागणारे साहित्य आणि कृती जाणून घेऊया.

साहित्यः

• 1 वाटी ज्वारीचे पीठ
• 1/4 वाटी रवा
• .1 लहान कांदा, बारीक चिरलेला
• 1 टोमॅटो, बारीक चिरलेला
• 1 हिरवी मिरची, बारीक चिरलेली
• कोथिंबीर, बारीक चिरलेली
• मीठ चवीनुसार
• तेल
• 1/4 टीस्पून हळद
• 1/4 टीस्पून लाल तिखट
• 1/4 टीस्पून जिरेपूड

कृती:

• यासाठी सर्वप्रथम एका मोठ्या भांड्यात ज्वारीचं पीठ आणि रवा मिक्स करा.
• त्यात एका कढईत तेल गरम करून यात बारीक चिरलेला कांदा, टोमॅटो, हिरवी मिरची परतून घ्या.
• परतून घेतलेल्या भाज्या आणि सर्व मसाले ज्वारी-रव्याच्या पिठात टाका आणि एकत्रित मिक्स करा.
• आता यात चवीनुसार मीठ, चिरलेली कोथिंबीर आणि थोडे थोडे पाणी घालून थोडे पातळसर मिश्रण तयार करा. मिश्रण गुठळ्यांशिवाय चांगले एकजीव करा.
• एक तवा गरम करून त्यावर थोडे तेल पसरून घ्या.
• तवा मध्यम आचेवर गरम झाल्यावर, तयार मिश्रण तव्यावर पसरवून धिरडे तयार करा.
• तुम्हाला हे मिश्रण फक्त तव्यावर टाकायचे आहे याला चमच्याने पसरवू नका, तर फक्त गोल आकारात टाका.
• आता झाकण ठेवून हे धिरडे दोन्ही बाजूंनी काही मिनिटे शिजवून घ्या.
• धिरड्याच्या कडेने आणि वरून थोडे तेल सोडा.
• दोन्ही बाजूंनी छान सोनेरी रंग आला की समजून जा तुमचे धिरडे तयार आहेत.
• गरमा गरम धिरडे एका प्लेटीत काढून त्यांना चटणी किंवा दह्यासोबत खाण्यासाठी सर्व्ह करा.

Web Title: A tasty filling breakfast how to make jawar dhirde at home 10 minute recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com