बाहेरून कशाला? मुंबईचा फेमस स्ट्रीट स्टाईल कुरकुरीत ‘वडा पाव’ बनवा आता घरीच, रेसिपी आहे फार सोपी

Vada Pav Recipe : मुंबईकरांच्या आवडीचा आणि सर्वात लोकप्रिय पदार्थ म्हणजे वडापाव. मऊ पावात भरलेला कुरकरीत वडा, चटणी आणि त्यासोबत तळेलेली हिरवी मिरची यांची चव मनाला तृप्त करणारी ठरते.

(फोटो सौजन्य: Pinterest)

Follow Us:

Follow Us:

• वडापाव हा मुंबईचा एक फेमच स्ट्रीट फूड आहे.
• हा झणझणीत आणि कुरकुरीत चवीचा वडापाव आपण घरीदेखील तयार करु शकतो.
• स्ट्रीट स्टाईल चवीचा हा चविष्ट वडापाव तुम्ही घरीच सोप्या पद्धतीमध्ये तयार करु शकता.

विकतचा कशाला? अस्सल गावराण चवीचा झणझणीत ‘कांदा-लसूण मसाला’ आता बनवा घरीच, नोट करा रेसिपी

बाहेरून कुरकुरीत बेसनाच्या आवरणातला मसालेदार बटाट्याचा वडा, त्यात लसूण-कोरडी चटणी, हिरवी तिखट चटणी आणि मऊ पाव या सगळ्यांचा संगम म्हणजे अस्सल वडा पाव. योग्य प्रमाणातील मसाले, फोडणीचा सुगंध आणि ताजेपणा हेच या पदार्थाचं खरे गमक आहे. चला तर मग, घरच्या घरी खमंग आणि अस्सल चवीचा वडा पाव कसा करायचा याची रेसिपी जाणून घेऊया.

साहित्य

बटाट्याच्या वड्यासाठी

• उकडलेले बटाटे – ४ ते ५ मध्यम आकाराचे
• हिरव्या मिरच्या – २ ते ३ (बारीक चिरलेल्या)
• लसूण – ५ ते ६ पाकळ्या (ठेचलेल्या)
• आले – १ छोटा तुकडा (ठेचलेला)
• मोहरी – १ टीस्पून
• हिंग – चिमूटभर
• हळद – ½ टीस्पून
• कढीपत्ता – ८ ते १० पाने
• मीठ – चवीनुसार
• कोथिंबीर – बारीक चिरलेली
• तेल – फोडणीसाठी

• बेसन – १ कप
• हळद – चिमूटभर
• मीठ – चवीनुसार
• बेकिंग सोडा – चिमूटभर
• पाणी – आवश्यकतेनुसार
• मीठ – चवीनुसार

• वडा पावसाठी पाव – आवश्यकतेनुसार
• पुदीना चटणी
• लसूण चटणी
• तळण्यासाठी तेल

कृती

• कढईत थोडं तेल गरम करून त्यात मोहरी टाका. ती तडतडली की हिंग, कढीपत्ता, हिरवी मिरचीची पेस्ट, आले-लसूण घालून परता.
• त्यानंतर हळद घालून लगेच उकडलेले बटाटे हाताने कुस्करून त्यात मिसळा. मीठ आणि कोथिंबीर घालून मिश्रण चांगलं एकजीव करा. हे मिश्रण थंड होऊ द्या आणि मग याचे गोल वडे तयार करा.
• एका भांड्यात बेसन घ्या. त्यात हळद, मीठ आणि चिमूटभर सोडा घालून पाणी टाकत घट्टसर पण ओघळेल असं पीठ तयार करा.
• कढईत तेल गरम करा. बटाट्याचे गोळे बेसनाच्या पिठात बुडवून मध्यम आचेवर सोनेरी आणि कुरकुरीत होईपर्यंत तळा.
• लसूण कोरडी चटणी बनवण्यासाठी लसूण, शेंगदाणे, मीठ आणि लप तिखट मिक्सरमध्ये जाडसर वाटून घ्या.
• पाव मधून कापून त्यावर लसूण चटणी, पुदीना चटणी लावा. गरम वडा आत ठेवून हलकेच दाबा.
• गरमागरम वडा पाव तळलेल्या हिरव्या मिरच्यांसोबत सर्व्ह करा.

Web Title: How to make mumbai famous street food vada pav at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com