विकतचा कशाला? अस्सल गावराण चवीचा झणझणीत ‘कांदा-लसूण मसाला’ आता बनवा घरीच, नोट करा रेसिपी

Kanda Lasun Masala Recipe : महाराष्ट्रीयन झणझणीत पदार्थांची आण-बाण-शान म्हणजे कांदा लसूण मसाला. हा मसाला घरी देखील बनवून वर्षभर साठवला जाऊ शकता. नोट करा याची पारंपारिक रेसिपी!

(फोटो सौजन्य: Pinterest)

Follow Us:

Follow Us:

• महाराष्ट्रीयन पदार्थांत कांदा लसूण मसाल्याचा आवर्जून वापर होतो.
• हा मसाला चवीला झणझणीत आणि रुचकर असतो.
• बाजारातून खरेदी केला जाणारा हा पदार्थ आपण घरी देखील बनवू शकता.

Recipe : सॅलडपासून फ्रुट चाटपर्यंत… साध्यातला साधा पदार्थही होईल चटकदार, घरी बनवा ‘पहाडी हिरवं मीठ’

भाजलेला कांदा आणि लसूण यांचा गडद रंग, खोबऱ्याचा हलका गोडवा आणि विविध मसाल्यांचे संतुलित प्रमाण यामुळे हा मसाला प्रत्येक घासाला खास बनवतो. घरी तयार केलेला कांदा लसूण मसाला हवाबंद डब्यात भरून ठेवल्यास तो १–२ महिने सहज टिकतो. त्यामुळे आठवड्याच्या स्वयंपाकाची तयारीही सोपी होते. चला तर मग पाहूया पारंपरिक पद्धतीने हा मसाला कसा तयार करायचा यासाठीची पारंपारिक रेसिपी जाणून घेऊया.

साहित्य

• लवंगी मिरची – सव्वा किलो
• शंकेश्वरी मिरची – सव्वा किलो
• रेशम पट्टी / पांढरी मिरची – सव्वा किलो
• काश्मिरी मिरची – सव्वा किलो
• धणे – सव्वा किलो
• तमालपत्र – ५० ग्रॅम
• दगडफूल – ५० ग्रॅम
• पांढरे तीळ – २५० ग्रॅम
• खसखस – २५० ग्रॅम
• जायफळ – २ नग
• खडा हिंग – ७५ ग्रॅम
• सुंठ – १५० ग्रॅम
• हळकुंड – ५० ग्रॅम
• जावित्री – ५० ग्रॅम
• दालचिनी – ५० ग्रॅम
• मेथीदाणे – २५ ग्रॅम
• कबाब चीनी – ५० ग्रॅम
• त्रिफळा – ५० ग्रॅम
• शहाजिरे – १०० ग्रॅम
• मसाला वेलची – १०० ग्रॅम
• नागकेशर – ५० ग्रॅम
• हिरवी वेलची – १०० ग्रॅम
• लवंग – १०० ग्रॅम
• काळी मिरी – १२५ ग्रॅम
• स्टारफुल – १०० ग्रॅम
• जिरे – ५०० ग्रॅम
• मोहरी – २५० ग्रॅम
• लसूण – सव्वा किलो
• कांदा – अडीच किलो
• शेंगदाणा तेल – सव्वा किलो
• खडेमीठ – १ किलो
• सुके खोबरे – सव्वा किलो

कृती

• सर्वप्रथम सर्व प्रकारच्या मिरच्यांचे देठ काढून त्या स्वच्छ करून उन्हात चांगल्या वाळवून घ्या. वाळवताना त्यांचा लाल रंग टिकून राहील याची काळजी घ्यावी.
• कढईत थोडेसे तेल गरम करून मिरच्या मंद आचेवर हलक्या हाताने भाजून घ्या. त्या करपू नयेत याची दक्षता घ्या. त्यानंतर प्रत्येक मसाला वेगवेगळा मंद आचेवर खमंग होईपर्यंत भाजावा.
• कांदे उभे पातळ कापून घ्या. कढईत तेल घालून कांदा गुलाबीसर आणि पूर्ण कोरडा होईपर्यंत परतवा.
• कांद्यातील ओलावा पूर्ण निघाला पाहिजे, त्यामुळे मसाला जास्त दिवस टिकतो.
• सुके खोबरे वेगळे लालसर रंग येईपर्यंत भाजून घ्या. धणेही मंद आचेवर खमंग भाजावेत.
• भाजलेले खोबरे आणि कांदा पूर्ण थंड झाल्यावर स्वतंत्रपणे बारीक वाटून घ्या. लसूण न भाजता त्यात खडेमीठ
• घालून बारीक वाटा. त्यानंतर सर्व भाजलेले मसाले एकत्र करून गिरणीत किंवा मिक्सरमध्ये बारीक दळून घ्या.
• मसाला पूर्ण थंड झाल्यावर तो कोरड्या आणि हवाबंद बरणीत साठवून ठेवा. ओलावा जाणार नाही याची काळजी घेतल्यास हा मसाला दीर्घकाळ टिकतो आणि पदार्थांना सुंदर रंग व अप्रतिम चव देतो.

Web Title: Make authentic gavran style kanda lasun masala at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com