तेलकट तिखट पदार्थ खाण्याऐवजी घरी बनवा हेल्दी टेस्टी ओट्स बीटरूट कटलेस, वाचा सोपी रेसिपी

लहान मुलांना नाश्त्यात किंवा डब्यात नेहमी नेहमी काय बनवून द्यावं? असा प्रश्न सर्वच पालकांना पडतो. अशावेळी तुम्ही मुलांना सोप्या पद्धतीमध्ये ओट्स बीटरूट कटलेस बनवून देऊ शकता. जाणून घ्या रेसिपी.

तेलकट तिखट पदार्थ खाण्याऐवजी घरी बनवा हेल्दी टेस्टी ओट्स बीटरूट कटलेस

Follow Us:

Follow Us:

लहान मुलांना नेहमीच काहींना काही चटपटीत आणि चमचमीत पदार्थ खाण्याची इच्छा होते. पण सतत बाहेरचे तेलकट आणि तिखट पदार्थ खाण्याऐवजी घरी बनवलेले पौष्टिक आणि हेल्दी पदार्थ खावेत. लहान मुलांना नेहमी नेहमी बाहेरचे पदार्थ खाण्यास देऊ नये, अन्यथा मुलांच्या रोगप्रतिकारशक्तीवर गंभीर परिणाम होण्याची शक्यता असते. लहान मुलांची रोगप्रतिकारशक्ती कमी असते, अशावेळी मुलांना पौष्टिक आणि पचनास हलके असलेले पदार्थ खाण्यास द्यावे. त्यामुळे आज आम्ही तुम्हाला सकाळी किंवा संध्याकाळच्या वेळी भूक लागल्यानंतर लहान मुलांना आवडतील असे ओट्स बीटरूट कटलेस बनवण्याची सोपी रेसिपी सांगणार आहोत. हे कटलेस बनवण्यासाठी जास्त वेळ लागत नाही. कमीत कमी साहित्यामध्ये झटपट पदार्थ तयार होतो. चला तर जाणून घेऊया ओट्स कटलेस बनवण्याची सोपी रेसिपी.(फोटो सौजन्य – iStock)

नवनवीन रेसिपीसाठी इथे किल्क करा

साहित्य:

• बीटरूट
• ओट्स
• बटाटे
• पनीर
• कांदा
• मीठ
• तेल
• हिरवी मिरची
• आलं लसूण पेस्ट
• गरम मसाला
• तिखट मसाला
• कोथिंबीर

नवनवीन रेसिपीसाठी इथे किल्क करा

कृती:

• ओट्स बीटरूट कटलेस बनवण्यासाठी सर्वप्रथम, उकडवून घेतलेला बटाटा बाऊलमध्ये घेऊन मॅश करून घ्या.
• नंतर त्यात बारीक किसून घेतलेले बीट, भिजवून घेतलेले ओट्स, कांदा, किसून घेतलेले पनीर, हिरवी मिरची, आलं लसूण पेस्ट आणि चवीनुसार मीठ टाकून व्यवस्थित मिक्स करून घ्या.
• मिक्स करून झाल्यानंतर त्यात लाल तिखट, गरम मसाला, हळद, चाट मसाला टाकून व्यवस्थित मिक्स करून वरून कोथिंबीर टाका.
• तयार करून घेतलेल्या मिश्रणाचे छोटे छोटे कटलेस बनवून तेलात फ्राय करण्यासाठी ठेवा. दोन्ही बाजूने व्यवस्थित भाजून झाल्यानंतर काढून घ्या.
• तयार आहेत सोप्या पद्धतीमध्ये बनवलेले ओट्स बीटरूट कटलेस.

Web Title: How to make oats beetroot cutless at home simple food recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com