जेवणात तोंडी लावण्यासाठी सोप्या पद्धतीमध्ये बनवा झणझणीत शेंगदाण्याचा ठेचा, पारंपारिक चवीचा हटके पदार्थ

जेवणात तोंडी लावण्यासाठी सतत सगळ्यांना काहींना काही भाजी हवी असते. म्हणूनच आज आम्ही तुम्हाला सोप्या पद्धतीमध्ये शेंगदाण्याचा ठेचा बनवण्याची सोपी रेसिपी सांगणार आहोत.

जेवणात तोंडी लावण्यासाठी सोप्या पद्धतीमध्ये बनवा झणझणीत शेंगदाण्याचा ठेचा

Follow Us:

Follow Us:

रोजच्या जेवणात नेहमीच काय भाजी बनवावी? असा प्रश्न सर्वच महिलांना पडतो. नेहमीच भेंडी, तोंडली, गवार किंवा इतर भाज्या खाऊन कंटाळा आल्यानंतर जेवणात झणझणीत पदार्थ खाण्याची इच्छा होते. अशावेळी नेमकं काय बनवावं सुचत नाही. म्हणूनच आज आम्ही तुम्हाला झणझणीत चवीचा शेंगदाण्याचा ठेचा बनवण्याची सोपी रेसिपी सांगणार आहोत. लहान मुलांपासून अगदी मोठ्यांपर्यंत सगळ्यांचं शेंगदाण्याचा ठेचा खायला खूप आवडतो. हा ठेचा तुम्ही भाकरी, भात, चपातीसोबत खाऊ शकता. शेंगदाण्याचा ठेचा आठवडाभर व्यवस्थित टिकून राहतो. तिखट किंवा कोणताही झणझणीत पदार्थ खाण्याची इच्छा झाल्यास तुम्ही शेंगदाण्याचा पारंपरिक पद्धतीने ठेचा बनवू शकता. चला तर जाणून घेऊया शेंगदाण्याचा ठेचा बनवण्याची सोपी रेसिपी.(फोटो सौजन्य – iStock)

Curd Rice Recipe: शरीराला थंडावा देण्यासाठी उन्हाळ्यात घरी बनवा स्वादिष्ट दही भात; चवीने मनही होईल तृप्त

साहित्य:

• शेंगदाणे
• हिरवी मिरची
• मीठ
• लसूण
• तेल
• कांदा
• कोथिंबीर
• आलं
• जिरं
• हळद
• हिंग
• कढीपत्ता

कृती:

• शेंगदाण्याचा ठेचा बनवण्यासाठी सर्वप्रथम, कढई गरम करून त्यात शेंगदाणे भाजून घ्या. शेंगदाणे भाजताना त्यात तेल टाकू नये.
• शेंगदाणे थंड झाल्यानंतर त्यांची साल काढून शेंगदाणे कपड्यामध्ये गुंडाळून जमिनीवर आपटून घ्या.
• कढईमध्ये तेल गरम करून त्यात जिरं, कोथिंबीर, लसूण आणि हिरव्या मिरच्या टाकून व्यवस्थित भाजून घ्या.
• त्यानंतर त्यात किसलेलं आलं आणि हिंग टाका. सगळ्यात शेवटी हळद टाकून मिक्स करा आणि गॅस बंद करून घ्या.
• त्यानंतर पुन्हा एकदा कढईमध्ये तेल घालून कांदा आणि कढीपत्त्याची पाने व्यवस्थित कुरकुरीत होईपर्यंत भाजा.
• मिक्सरच्या भांड्यात भाजून घेतलेले दाणे टाकून जाडसर वाटा आणि पुन्हा एकदा कढईमधील कांद्याच्या मिश्रणात टाका.
• तयार आहे सोप्या पद्धतीमध्ये बनवलेला शेंगदाण्याचा ठेचा.

Web Title: How to make peanut thecha at home simple food recipe cooking tips

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com