Shravan Special Recipe: श्रावणातील उपवासाला बनवा हेल्दी टेस्टी राजगिऱ्याचे लाडू, वाचा सोपी रेसिपी

श्रावण महिना सुरु झाल्यानंतर सगळीकडे आनंदाचे आणि उत्साहाचे वातावरण असते. या महिन्यात अनेक सण उत्सव असतात. तसेच या दिवसांमध्ये शंकर महादेवाची मनोभावे पूजा केली जाते. अनेक महिला उपवास सुद्धा करतात. पण उपवासाच्या दिवशी अनेक घरांमध्ये साबुदाण्याची खिचडी बनवली जाते. पण तुम्हाला सुद्धा खिचडी खाऊन कंटाळा आला असेल तर राजगिऱ्याचे लाडू नक्की बनवून पहा. हे लाडू बनवण्यासाठी खूप सोपे आहेत.

श्रावण महिना हा सणांचा महिना म्हणून सगळीकडे ओळखला जातो. या महिन्यामध्ये नागपंचमी,नारळी पौर्णिमा, रक्षाबंधन, गोकुळाष्टमी इत्यादी सण येतात. तसेच श्रावणातील प्रत्येक सोमवारी आणि शनिवारी अनेक महिला उपवास करतात. श्रावण महिन्यात केलेले उपवास आरोग्यासाठी सुद्धा फायदेशीर आहे. सध्या सगळीकडे भक्तिमय वातावरण आहे. शंकर महादेवांना प्रसन्न करण्यासाठी अनेक महिला व्रत आणि उपवास करतात. उपवासाच्या दिवशी साबुदाण्याची खिचडी किंवा बटाट्याचे पदार्थ खाल्ल्यामुळे असिडिटीचा त्रास होण्याची शक्यता असते. त्यामुळे आज आम्ही तुम्हाला राजगिऱ्याचे लाडू सोप्या पद्धतीमध्ये घरी कसे बनवायचे याची सोपी कृती सांगणार आहोत. हे लाडू खाल्ल्यामुळे तुम्हाला कोणताही त्रास होणार नाही.

साहित्य:

• राजगिरा
• भाजलेले शेंगदाणे
• गूळ
• काजू ,बदाम

हे देखील वाचा: कच्च्या आंब्यापासून जेली बनवण्याची ‘ही’ रेसिपी मुलांना नक्कीच आवडेल

कृती:

• राजगिऱ्याच्या लाडू बनवण्यासाठी सर्वप्रथम पॅनमध्ये गूळ घालून मध्यम आचेवर वितळवून घ्या.
• गूळ पूर्णपणे वितळवून झाल्यानंतर त्यात भाजलेला राजगिरा, शेंगदाणे आणि काजू बदाम टाकून मिक्स करून घ्या.
• मिक्स करून झाल्यानंतर 3 मिनिटं गॅस मंद आचेवर ठेवून नंतर गॅस बंद करा.
• राजगिऱ्याच्या लाडूचे मिश्रण थंड झाल्यानंतर हाताला तेल लावून लाडू वळून घ्या.
• ताटात ठेवलेले लाडू थंड झाल्यानंतर जास्त वेळ टिकण्यासाठी हवाबंद डब्यात ठेवा.