Shravan Special Recipe: श्रावणातील उपवासाला सोप्या पद्धतीमध्ये बनवा राजगिऱ्याचा शिरा, तब्येत राहील व्यवस्थित

श्रावणात केलेला उपवास आरोग्यसाठी सुद्धा फायदेशीर असतो. तसेच या महिन्यात नागपंचमी, नारळी पौर्णिमा, रक्षाबंधन इत्यादी अनेक सण असतात. त्यामुळे सण आणि उपवासाच्या दिवशी नेमकं काय बनवावं हा प्रश्न सर्वच महिलांना पडतो. उपवासाच्या दिवशी साबुदाणा आणि बटाट्याची भाजी खाऊन कंटाळा आल्यानंतर काहींना काही नवीन पदार्थ खाण्याची इच्छा होते. असे पदार्थ जे खाल्ल्यानंतर आरोग्यसंबंधित कोणतीही समस्या उद्भवणार नाही.

श्रावण महिन्यातील प्रत्येक सोमवारी आणि शनिवारी अनेक महिला उपवास करतात. श्रावणात केलेला उपवास आरोग्यसाठी सुद्धा फायदेशीर असतो. तसेच या महिन्यात नागपंचमी, नारळी पौर्णिमा, रक्षाबंधन इत्यादी अनेक सण असतात. त्यामुळे सण आणि उपवासाच्या दिवशी नेमकं काय बनवावं हा प्रश्न सर्वच महिलांना पडतो. उपवासाच्या दिवशी साबुदाणा आणि बटाट्याची भाजी खाऊन कंटाळा आल्यानंतर काहींना काही नवीन पदार्थ खाण्याची इच्छा होते. असे पदार्थ जे खाल्ल्यानंतर आरोग्यसंबंधित कोणतीही समस्या उद्भवणार नाही. त्यामुळे आज आम्ही तुम्हाला मोजक्या साहित्यामध्ये कमीत कमी वेळात राजगिऱ्याचा शिरा बनवण्याची सोपी रेसिपी सांगणार आहोत. हा शिरा उपवासाच्या दिवशी किंवा इतर वेळी खाल्ल्यानंतर पोटही भरेल आणि आरोग्याला सुद्धा फायदे होतील.(फोटो सौजन्य-istock)

साहित्य:

• राजगिऱ्याचे पीठ
• साखर
• वेलची पावडर
• पाणी
• तूप
• ड्रायफ्रूट
• बारीक रवा

हे देखील वाचा: Shravan Special Recipe: श्रावणातील उपवासाला बनवा हेल्दी टेस्टी राजगिऱ्याचे लाडू, वाचा सोपी रेसिपी

कृती:

• राजगिऱ्याचा शिरा बनवण्यासाठी सर्वप्रथम कढईमध्ये तूप टाकून गरम करण्यासाठी ठेवा. तूप गरम झाल्यानंतर त्यात राजगिऱ्याचे पीठ तुपामध्ये खरपूस भाजून घ्या.
• तुपामध्ये पीठ व्यवस्थित भाजल्यानंतर त्यात गरम पाणी टाकून मिक्स करा. मिक्स करून व्यवस्थित ढवळून घ्य.
• पीठामध्ये गरम पाणी ओतल्यानंतर पीठ सतत ढवळत राहा. यामुळे शिरा कढईला चिटकणार नाही.
• त्यानंतर त्यात रवा, साखर, वेलची पूड व्यवस्थित मिक्स करून घ्या.मंद आचेवर शिरा शिजण्यासाठी ठेवून द्या.
• सगळ्यात शेवटी त्यात ड्रायफ्रूट घालून मिक्स करून गॅस बंद करा. तयार आहे राजगिऱ्याच्या पीठाचा शिरा.