Veg Spring Roll Recipe : स्ट्रीटसारखे कुरकुरीत ‘व्हेज स्प्रिंग रोल’ आता घरीच बनवा, पार्टी स्नॅक्ससाठी आहे परफेक्ट पर्याय

Chinese Dish : भाज्यांच्या स्टफिंगने भरलेले कुरकुरीत स्प्रिंग रोल तर सर्वांच्याच आवडीचे आहे. तुम्हाला माहितीये का? तुम्ही या पदार्थाला घरी देखील सहज तयार करु शकता. लहान मुलांना खुश करण्यासाठी ही एक परफेक्ट डिश आहे.

(फोटो सौजन्य: Pinterest)

Follow Us:

Follow Us:

• इंडो चायनीज पदार्थांचे चाहते तर देशात खूप आहेत.
• यातीलच एक लोकप्रिय पदार्थ म्हणजे स्प्रिंग रोल.
• तुम्ही घरीच या पदार्थाला तयार करु शकता.

Recipe : उडदाच्या डाळीपासून नाही तर बेसनापासून झटपट घरी बनवा कुरकुरीत पापड, वाळवण्याचीही गरज लागणार नाही

या रेसिपीत कोबी, गाजर, ढोबळी मिरची आणि इतर भाज्यांचा वापर केल्यामुळे हा पदार्थ पौष्टिकही बनतो. योग्य मसाल्यांचा समतोल आणि कुरकुरीत पोत यामुळे प्रत्येक घास खाण्याचा आनंद वाढतो. विशेष म्हणजे ही रेसिपी फार अवघड नाही. थोड्या संयमाने आणि योग्य पद्धतीने तुम्ही अगदी रेस्टॉरंट स्टाईल व्हेज स्प्रिंग रोल घरी सहज तयार करू शकता.

साहित्य

• स्प्रिंग रोल शीट्स – 10
• बारीक चिरलेला कोबी – 1 कप
• किसलेले गाजर – 1/2 कप
• बारीक चिरलेली ढोबळी मिरची – 1/2 कप
• उकडलेले नूडल्स – 1 कप
• आले-लसूण पेस्ट – 1 टीस्पून
• सोया सॉस – 1 टेबलस्पून
• चिली सॉस – 1 टेबलस्पून
• मिरी पावडर – 1/2 टीस्पून
• मीठ – चवीनुसार
• कॉर्नफ्लोअर – 2 टेबलस्पून
• पाणी – आवश्यकतेनुसार
• तेल – तळण्यासाठी

कृती

• कढईमध्ये थोडे तेल गरम करून त्यात आले-लसूण पेस्ट परता. त्यानंतर कोबी, गाजर आणि ढोबळी मिरची घालून मोठ्या आचेवर हलके परतून घ्या.
• भाज्या किंचित मऊ झाल्यावर त्यात उकडलेले नूडल्स घाला. त्यावर सोया सॉस, चिली सॉस, मिरी पावडर आणि मीठ टाकून सर्व मिश्रण चांगले मिसळा.
• हे तयार सारण पूर्णपणे थंड होण्यासाठी बाजूला ठेवा. गरम सारण भरल्यास रोल फाटू शकतात.
• एका छोट्या वाटीत कॉर्नफ्लोअर आणि थोडे पाणी मिसळून घट्ट पेस्ट तयार करा. ही पेस्ट रोल चिकटवण्यासाठी वापरली जाईल.
• स्प्रिंग रोल शीट घेऊन त्यात तयार सारण एका बाजूला ठेवा. आता शीट घट्ट गुंडाळत रोल तयार करा आणि कडा कॉर्नफ्लोअर पेस्टने बंद करा.
• कढईमध्ये तेल गरम करा. तेल योग्य तापमानाला आल्यानंतर तयार रोल मध्यम आचेवर सोनेरी आणि कुरकुरीत होईपर्यंत तळून घ्या.
• गरमागरम व्हेज स्प्रिंग रोल टोमॅटो सॉस किंवा चिली सॉसबरोबर सर्व्ह करा. अधिक चविष्ट अनुभवासाठी त्यावर थोडेसे चाट मसाला शिंपडू शकता.

Web Title: How to make street style veg spring roll at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com