नखं तुटण्याने नका होऊ उदास, नखांच्या मजबूत वाढीसाठी करा लिंबाच्या रसाचा वापर दिसतील आकर्षक

नखांच्या सुंदर आणि चमकदार वाढीसाठी लिंबाच्या रसाचा वापर नक्की करून पाहा.

काही महिलांना लांब नखं खूप आवडतात. नखांमुळे आपले सौदंर्य अधिक सुंदर दिसते. पण अनेकदा नखांची व्यवस्थित वाढ होत नाही. नख वाढल्यानंतर सुद्धा लगेच तुटतात.नखांच्या वाढीसाठी आहारात योग्य त्या पदार्थांचे सेवन करणे आवश्यक आहे. काही महिला नख सुंदर आणि चमकदार दिसण्यासाठी बाजारात मिळणारे महागडे एक्सटेंन्शन लावतात. हे एक्सटेंन्शन जास्त काळ नखांवर टिकत नाही. त्यामुळे नख खराब देखील होऊ शकता. अशावेळी तुम्ही नखांच्या वाढीसाठी घरगुती आणि नैसर्गिक पदार्थांचा वापर करा.  नैसर्गिक पदार्थ वापल्याने नखांमधील चमक टिकून राहून नखे खराब होत नाही. आज आम्ही तुम्हाला नखांच्या वाढीसाठी लिंबाच्या रसाचा वापर कसा करायचा, याबद्दल सांगणार आहोत. (फोटो सौजन्य – iStock)

नखांच्या वाढीसाठी लिंबाच्या रसाचा वापर कसा कराल:

• लिंबाच्या रसामध्ये अनेक गुणकारी घटक आढळून येतात. जे त्वचा आणि केसांच्या आरोग्यासाठी फायदेशीर आहेत. तसेच ते नखांच्या आरोग्यासाठी सुद्धा प्रभावी आहेत. लिंबाच्या रसामध्ये विटामिन सी असते. तसेच लिंबूमध्ये अँटीऑक्सिडंट्स असतात जे नखांच्या वाढीसाठी फायदेशीर आहेत. काहींच्या नखांवर पांढरे किंवा इतर रंगांचे डाग दिसतात. त्यामुळे नख हळूहळू काळी पडण्यास सुरुवात होते. नखांवर आलेले डाग लिंबू रसाच्या मदतीने काढता येतात. जर तुम्ही नियमित नखांवर लिंबाचा रस लावला तर नखं मजबूत आणि चमकदार दिसतील.
• नखांचे आरोग्य सुधारण्यासाठी लिंबाच्या रसाचा वापर करा. एक वाटी लिंबाच्या रसामध्ये अर्धा चमचा मीठ टाकून मिश्रण तयार करा. या मिश्रणात नख ठेवून 10 ते 15 मिनिटं नख चोळा. त्यानंतर 10 मिनिटं ते तसंच ठेवून नंतर स्वच्छ पाण्याने धुवा. यामुळे नखं मजबूत होऊन चमकदार दिसतील.
• एका चमचा लिंबाच्या रसात थोडस ऑलिव्ह ऑईल टाकून मिक्स करून घ्या. त्यानंतर हे मिश्रण नखांना लावा. 10 मिनिटं लावल्यानंतर स्वच्छ पाण्याने नखं धुवून घ्या.हात पुसून झाल्यानंतर सनस्क्रीन लावा.

[read_also content=”ब्रेन ट्यूमरचे वेळीच निदान आणि औषधोपचारांचे महत्व https://www.navarashtra.com/lifestyle/world-brain-tumor-day-importance-of-early-diagnosis-and-medical-help-544468.html”]

• तुमची नख जर सतत पिवळी दिसत असतील तर एका वाटीमध्ये 1 चमचा बेकिंग सोडा घेऊन त्यात मीठ मिक्स करून नखांना लावा. नखांना 10 मिनिटं चोळ्यानंतर बोट कोमट पाण्याने स्वच्छ धुवून घ्या. यामुळे नखांवरील पिवळेपणा कमी होऊन नख उठावदार दिसतील. तसेच लिंबाचा वापर केल्याने नखांच्या बाजूला झालेल्या जखमा बऱ्या होतील.

टीप – आम्ही देत असलेली माहिती ही तज्ज्ञांशी बोलून आणि रिसर्च करून देत आहोत. हा लेख केवळ तुमच्या माहितीसाठी लिहिण्यात आला आहे. प्रत्येकाची त्वचा वेगळी असते, त्यामुळे कोणत्याही प्रकारचा उपाय करण्यापूर्वी पॅच टेस्ट करायला विसरू नका.