मंगळवार, 20 ऑक्टोबर 2026
१० मिनिटांमध्ये झटपट बनवा आंबट तिखट कैरी टोमॅटोची चटणी
उन्हाळा ऋतूला सुरुवात झाल्यानंतर बाजारात मोठ्या प्रमाणावर कच्च्या कैऱ्या उपलब्ध होतात. कच्ची कैरी पाहिल्यानंतर तोंडाला पाणी सुटते. कैरीपासून अनेक वेगवेगळे पदार्थ बनवले जातात. कैरीचे लोणचं, कैरीचा मुरंबा, पन्ह, मेथांबा इत्यादी अनेक पदार्थ बनवले जातात. आंबट गोड चवीचे पदार्थ शरीरासाठी सुद्धा फायदेशीर ठरतात. वाढत्या उन्हाळ्यात शरीर हायड्रेट ठेवण्यासाठी कच्च्या कैरीपासून बनवलेले पदार्थ आवर्जून खावे. म्हणूनच आज आम्ही तुम्हाला झटपट आंबट तिखट कैरी टोमॅटोची चटणी बनवण्याची सोपी रेसिपी सांगणार आहोत. हा चटणीचा प्रकार घरातील प्रत्येकाला खूप जास्त आवडतो. गरमागरम भाकरी किंवा भातासोबत तुम्ही आंबट तिखट कैरी टोमॅटोची चटणी खाऊ शकता. ग्रामीण भागात जेवणात तोंडी लावण्यासाठी वेगवेगळ्या भाज्यांपासून चटणी तयार केली जाते. पाण्याचा वापर न करता बनवलेली चटणी आठवडाभर फ्रिजमध्ये व्यवस्थित टिकून राहते. आंबट गोड टोमॅटो आणि आंबट कैरीच्या चवीमुळे चटणी अतिशय सुंदर लागते. जेवणात भाजी बनवण्याचा कंटाळा आल्यानंतर तुम्ही या पद्धतीने चटणी बनवू शकता. चला तर जाणून घेऊया रेसिपी.(फोटो सौजन्य – pinterest)
