बुधवार, 9 सप्टेंबर 2026
मुंबईच्या खेतवाडीचा गणराजाचा इतिहास काय? जाणून घ्या गणरायाची रंजक कहाणी
खेतवाडीच्या गणराजाचा इतिहास?
बाप्पाची स्थापना कोणत्या साली करण्यात आली?
खेतवाडीच्या बाप्पाची खासियत?
Khetwadi Ganraj: गिरगाव आणि खेतवाडीतील बाप्पा हे समीकरणच वेगळं आहे. त्यातही खेतवाडीचा गणराज हा मुंबईतील सर्वात प्रसिद्ध, ऐतिहासिक आणि भव्य गणेश मंडळांपैकी एक आहे. गिरगाव परिसरातील १२ व्या गल्लीत स्थित, गणपती बाप्पाचे हे रूप त्याच्या अद्वितीय मूर्ती आणि कलात्मकतेसाठी जगभरात ओळखले जाते. खेतवाडीच्या गणराजचा इतिहास तुम्हाला माहिती आहे का? ही पवित्र परंपरा “१२ व्या खेतवाडी सार्वजनिक गणेशोत्सव मंडळा” द्वारे १९५२ मध्ये अधिकृतपणे सुरू करण्यात आली. काही नोंदींनुसार, मंडळाचे सध्याचे स्वरूप १९५९ असल्याचे सांगण्यात येते. हा केवळ एक उत्सव नाही, तर स्थानिक लोकांच्या अढळ भक्तीचे आणि सामूहिक एकतेचे प्रतीक आहे.(फोटो सौजन्य – सोशल मीडिया)
इतिहासातील सर्वात उंच मूर्तीचा विक्रम हा खेतवाडीच्या गणराजाच्या नावावर आहे. खेतवाडीच्या गणराजला खरी ओळख आणि जागतिक प्रसिद्धी २००० साली मिळाली. त्या वर्षी, मंडळाने ४० फूट उंच असलेली, भारतीय इतिहासातील सर्वात उंच गणेश मूर्ती तयार करण्याचा विक्रम प्रस्थापित केला होता.
View this post on Instagram
केवळ एक गणेश मंडळ असण्यापेक्षा, ते अढळ भक्ती, सखोल संस्कृती आणि सामूहिक समर्पणाचे प्रतीक आहे खेतवाडीचा गणराज मंडळाची काही प्रमुख वैशिष्ट्यं सांगण्यात येतात. दरवर्षी बाप्पाला एका वेगळ्या आणि अद्वितीय रूपात चित्रित केले जाते. कधीकधी, बाप्पाला शेषनागावर बसलेले दाखवले जाते, तर कधीकधी मंडप आणि मूर्तीची रचना अयोध्येतील राम मंदिराच्या किंवा ऐतिहासिक/जागतिक सांस्कृतिक संकल्पनेवर जसे की रोमन संकल्पनेवर आधारित असते.
बाप्पाची भव्य मूर्ती खऱ्या सोन्याच्या जड दागिन्यांनी आणि मौल्यवान हिऱ्यांनी सुंदरपणे सजवलेली असते. खेतवाडीत पहिल्या गल्लीपासून ते १४ व्या गल्लीपर्यंत गणपती स्थापित करण्यात आले आहेत आणि हा संपूर्ण परिसर बाप्पाचा बालेकिल्ला मानला जातो, तरीही १२ व्या रस्त्यावरील “खेतवाडीचा गणराज” विशेष लक्ष वेधून घेतो हे नाकारता येणार नाही. सणावारांच्या दिवसांमध्ये घरी आलेल्या पाहुण्यांसाठी तुम्ही सोप्या पद्धतीमध्ये आणि कमी वेळात झटपट तयार होणारे मसाले आप्पे बनवू शकता. हे आप्पे चवीला अतिशय सुंदर लागतात. चला तर जाणून घेऊया रेसिपी.
