रविवार, 18 ऑक्टोबर 2026
तरुणांमध्ये Protein खाण्याचा वाढत ट्रेंड! अतिप्रमाणात प्रोटीनचे सेवन केल्यास किडनीच्या आरोग्यावर होतील 'हे' गंभीर परिणाम
Metabolic Health: निरोगी जीवनशैली आणि फिटनेस फॉलो करण्यासाठी मुलांसह मुली देखील जिममध्ये जातात. जिममध्ये व्यायाम, शारीरिक हालचालींसोबतच आहारात प्रोटीन पावडरचा सुद्धा समावेश केला जातो. बॉडीबिल्डिंग करणे, स्नायूंची ताकद वाढवणे, व्यायामानंतर होणारी स्नायूंची झीज भरून काढणे आणि वजन नियंत्रणात ठेवण्यासाठी वेगवेगळे प्रोटीन घेतले जातात. प्रोटीन पावडर दुधातून किंवा पाण्यात मिक्स करून प्यायली जाते. धावपळीची जीवनशैली आणि कामाच्या वाढत्या तणावामुळे आहारात न मिळणारे प्रोटीन भरून काढण्यासाठी प्रोटीन पावडरचे सेवन केले जाते.(फोटो सौजन्य – istock)
योग्य प्रमाणात आणि योग्य पद्धतीने प्रोटीन पावडरचे सेवन केल्यास स्नायूंची झीज भरून निघण्यास मदत होते. पण फिटनेस आणि वजन कमी करण्याच्या नावाखाली मोठ्या प्रमाणावर प्रोटीनचे सेवन केले जाते. आहारात अतिप्रमाणात प्रथिनांचा समावेश केल्यास शरीरातील अवयवांना हानी पोहचण्याची शक्यता असते. प्रोटीनचे अतिप्रमाणात सेवन केल्यामुळे किडनीच्या आरोग्यावर गंभीर परिणाम होतात आणि किडनी निकामी होण्याची शक्यता असते. पौष्टिक घटकांचे आवश्यक प्रमाणात सेवन न केल्यास शरीरातील अवयवांना गंभीर इजा होऊ शकते. चला तर जाणून घेऊया अतिप्रमाणात प्रोटीनचे सेवन केल्यास किडनीच्या आरोग्यावर परिणाम होतो.
प्रोटीन सप्लीमेंट्सचे सेवन केल्यामुळे स्नायू मजबूत होतात. पण चुकीच्या पद्धतीने प्रोटीनचे सेवन केल्यामुळे लिव्हर आणि किडनीच्या आरोग्यावर परिणाम होतो. प्रोटीन पावडरचे मोठे डोस घेण्यास सुरुवात केल्यानंतर सुरुवातीच्या दिवसांमध्ये शरीरात अनेक वेगवेगळे बदल दिसून येतात. त्यामुळे योग्य माहिती न घेता कोणत्याही सप्लिमेंट्सचे सेवन करू नये. बाजारात मिळणारी काही सप्लिमेंट्स सुरक्षित असतात. पण चुकीच्या पद्धतीने आणि अतिप्रमाणात सेवन केल्यास किडनीच्या आरोग्यावर परिणाम होण्याची शक्यता असते.
प्रोटीन पावडरला संपूर्ण आहाराचा पर्याय न बनवता, रोजच्या आहारात शरीराला प्रोटीन देणाऱ्या पदार्थांचे सेवन करावे. नैसर्गिक घटकांनी समृद्ध असलेल्या पदार्थांचे सेवन केल्यास किडनीच्या किंवा शरीरातील इतर कोणत्याही अवयवांना इजा पोहचणार नाही. प्रथिनांचे पचन झाल्यानंतर तयार होणारे टाकाऊ पदार्थ बाहेर टाकण्यासाठी किडनीला दिवसभर भरपूर पाणी प्यावे लागते. सामान्य जीवनशैली असलेल्या निरोगी व्यक्तींना आहारात ०.८ ग्रॅम ते १ ग्रॅम प्रथिनांची गरज असते. नियमित वजन उचलणे किंवा जास्त व्यायाम करत असलेल्या व्यक्तींना १.२ ग्रॅम ते २ ग्रॅम प्रथिनांची आवश्यकता असते. त्यामुळे गरजेपेक्षा जास्त प्रमाणात प्रोटीनचे सेवन करू नये.
Ans: जिममध्ये व्यायाम करणे, स्नायूंची वाढ करणे, बॉडी बिल्डिंग आणि फिटनेसकडे वाढलेला कल यामुळे तरुणांमध्ये प्रोटीनयुक्त पदार्थ आणि प्रोटीन सप्लिमेंट्सचा वापर वाढत आहे.
Ans: काही व्यक्तींना पोट फुगणे, गॅस, बद्धकोष्ठता किंवा जुलाब यांसारखे पचनाचे त्रास होऊ शकतात. मात्र, ही लक्षणे केवळ प्रोटीनच्या अतिसेवनामुळेच होतात असे नाही.
Ans: प्रोटीन पावडर प्रत्येकासाठी आवश्यक नसते. आहारातून पुरेसे प्रोटीन मिळत नसल्यास किंवा व्यायामाच्या गरजेनुसार त्याचा उपयोग होऊ शकतो.
