वरण भातासोबत तोंडी लावण्यासाठी झटपट बनवा आंबटतिखट लिंबू मिरचीचं लोणचं, नोट करून घ्या रेसिपी

आज आम्ही तुम्हाला सोप्या पद्धतीमध्ये लिंबू हिरवी मिरचीचं लोणचं बनवण्याची सोपी कृती सांगणार आहोत. हे पदार्थ चवीला अतिशय सुंदर लागतात. चला तर जाणून घेऊया लिंबू मिरचीचे लोणचं बनवण्याची कृती.

वरण भातासोबत तोंडी लावण्यासाठी झटपट बनवा आंबट तिखट लिंबू मिरचीचं लोणचं, नोट करून घ्या रेसिपी

Follow Us:

Follow Us:

जेवणाच्या ताटात प्रत्येकाला कायमच लोणचं हवं असत. लोणच्याशिवाय जेवणाला चव लागत नाही. कैरी, हिरवी मिरची, लसूण, वेगवेगळ्या भाज्या आणि इतर विविध पदार्थांचा वापर करून लोणचं बनवलं जात. आंबट तिखट लोणचं वरण भातासोबत किंवा चपातीसोबत सुद्धा खाल्ले जाते. पण आज आम्ही तुम्हाला लिंबू आणि मिरच्यांचा वापर करून झटपट तयार होणारे लोणचं बनवण्याचं सोपी कृती सांगणार आहोत. या पद्धतीने बनवलेले लोणचं चवीला अतिशय सुंदर लागेल आणि जेवणाची चव वाढवेल. अनेकांना झणझणीत पदार्थ खायला खूप जास्त आवडतात. अशावेळी या पद्धतीने बनवलेले लोणचं खावे. यामुळे पदार्थाची चव वाढते आणि जेवणात चार घास जास्त जातात. चला तर जाणून घेऊया रेसिपी.(फोटो सौजन्य – pinterest)

Rice Kheer Recipe : श्रावणी सोमवारी भगवान शिवाला अर्पण करा तांदळाची खीर, फार सोपी आहे रेसिपी

साहित्य:

• हिरव्या मिरच्या
• लिंबू
• मोहरी
• जिरं
• मेथी दाणे
• बडीशेप
• कलौंजी
• मोहरीची पिवळी डाळ
• हळद
• हिंग
• तेल
• मीठ

कृती:

• लिंबू मिरचीचं लोणचं बनवण्यासाठी सर्वप्रथम, लिंबू स्वच्छ धुवून पुसून घ्या आणि मध्यम आकारात फोडी करा.
• मिक्सरच्या भांड्यात मिरच्या घालून जाडसर बारीक वाटून घ्या आणि अर्ध्या मिरच्यांचे तुकडे करा.
• काचेच्या भांड्यात लिंबाचे तुकडे, हिरव्या मिरच्यांचे तुकडे, बारीक केलेल्या मिरच्या एकत्र करून चमच्याने मिक्स करा.
• त्यानंतर त्यात मीठ, हळद, हिंग, कलौंजी, मोहरीची डाळ घालून मिक्स करून ठेवा. मिश्रण मिक्स करण्यासाठी चमच्याचा वापर करावा.
• तवा गरम करून त्यात जिरे, मोहरी, बडिशेप, मेथी दाणे व्यवस्थित लालसर होईपर्यंत भाजा. भाजून झाल्यानंतर सर्व बारीक मिक्सरच्या भांड्यात टाकून बारीक वाटून घ्या.
• त्यानंतर त्यात गरम केलेले तेल ओतून मिक्स करा आणि झाकण लावून दोन ते तीन दिवस उन्हात ठेवा.
• तयार आहे सोप्या पद्धतीमध्ये बनवलेले चटकदार लिंबू मिरचीचे लोणचं.

Web Title: Quickly make a tangy and spicy lemon chili pickle to serve with varanbhat food recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com