Raksha Bandhan 2024: रक्षाबंधनला भेसळयुक्त मिठाई खाण्यापेक्षा घरी बनवा गुलाबाचा हलवा, वाचा सोपी रेसिपी

सणासुदीच्या दिवसांमध्ये बाजारपेठांमध्ये वेगळेच उत्साहाचे वातावरण असते. बाजारातील सर्व दुकानांमध्ये मिठाई आणि गोडाचे पदार्थ उपलब्ध झाले आहेत. पण या दिवसांमध्ये बाजारात मिळणाऱ्या मिठाईनमध्ये मोठी भेसळ केली जाते. चुकीच्या पद्धतीने आणि शिळे पदार्थ खाल्ल्यामुळे पोटासंबंधित समस्या निर्माण होण्याची शक्यता असते. त्यामुळे पावसाळ्याच्या दिवसांमध्ये आणि इतर वेळी शक्य झाल्यास घरी तयार केलेल्या पदार्थांचे सेवन करावे.

रक्षाबंधनला अवघे काही दिवस शिल्लक राहिले आहेत. सणासुदीच्या दिवसांमध्ये बाजारपेठांमध्ये वेगळेच उत्साहाचे वातावरण असते. बाजारातील सर्व दुकानांमध्ये मिठाई आणि गोडाचे पदार्थ उपलब्ध झाले आहेत. पण या दिवसांमध्ये बाजारात मिळणाऱ्या मिठाईनमध्ये मोठी भेसळ केली जाते. चुकीच्या पद्धतीने आणि शिळे पदार्थ खाल्ल्यामुळे पोटासंबंधित समस्या निर्माण होण्याची शक्यता असते. त्यामुळे पावसाळ्याच्या दिवसांमध्ये आणि इतर वेळी शक्य झाल्यास घरी तयार केलेल्या पदार्थांचे सेवन करावे. जे पदार्थ आरोग्यसाठी सुद्धा फायदेशीर असतात. त्यामुळे आज आम्ही तुम्हाला रक्षाबंधनच्या दिवशी बाजारात आणलेली मिठाई खाण्यापेक्षा घरी गुलाब हलवा नक्की बनवून पहा. हा पदार्थ घरी आलेल्या सर्व पाहुण्यांना नक्की आवडेल.

साहित्य:

• दूध
• साखर
• लिंबाचा रस
• तूप
• वेलची पावडर
• बदाम
• गुलाबाच्या पाकळ्या
• केशर

हे देखील वाचा: रक्षाबंधनाच्या दिवशी राशीनुसार बहिणीला कोणते गिफ्ट द्यावे, ते जाणून घ्या

कृती:

• गुलाबाचा हलवा बनवण्यासाठी सर्वप्रथम मोठ्या कढईमध्ये दूध गरम करण्यासाठी ठेवा.दुधाला एक उकळी आल्यानंतर चमच्या सहाय्याने दूध सतत ढवळत राहा.
• दूध उकळून अर्धे झाल्यानंतर त्यात लिंबाचा रस टाकून दूध फोडून घ्या.
• त्यानंतर दुधामधील संपूर्ण पाणी निघून गेल्यानंतर त्यात साखर टाकून घ्या. साखर पूर्णपणे वितळवून घ्या.
• नंतर त्यात वेलची पावडर आणि केशरच्या काड्या टाकून मिक्स करून घ्या. हलवा सतत ढवळत राहा.अन्यथा कढईला हलवा चिटकू शकतो.
• सगळ्यात शेवटी बदाम आणि पिस्त्याचे काप टाकून हलवा मिक्स करून घ्या.
• सर्व्ह करताना वाटीमध्ये गुलाबाच्या पाकळ्यांवर हलवा काढून सर्व्ह करा. तयार आहे गुलाबाचा हलवा.