शनिवार, 17 ऑक्टोबर 2026
कोणत्याही वेळी अचानक घाम येतो? शरीरात होणाऱ्या हार्मोनल बदलांचे 'हे' आहेत संकेत, घाम कमी करण्यासाठी उपाय
घाम कमी करण्यासाठी घरगुती उपाय कोणते?
कोणत्या सवयींमुळे घाम वाढतो?
घाम येणे कधी गंभीर मानावे?
धावपळीची जीवनशैली, कामाचा वाढलेला तणाव, पोषक घटकांची कमतरता, आहारात सतत होणारे बदल, मानसिक तणाव, अपुरी झोप, चुकीच्या वेळी जेवण इत्यादी अनेक गोष्टींचा परिणाम शरीरावर लगेच दिसून येतो. उन्हाळा ऋतूला सुरुवात झाल्यानंतर शरीरात उष्णता वाढते. शरीरात वाढलेल्या उष्णतेमुळे खूप जास्त घाम येतो. पण सतत येणारा घाम हा उष्णता वाढल्यामुळे नाहीतर शरीरसंबंधित गंभीर आजाराची लागण झाल्यामुळे येतो. थायरॉईड, डायबिटीज, चिंता, स्ट्रेस किंवा रजोनिवृत्ती यांसारख्या आजाराची लागण झाल्यानंतर शरीरात वेगवेगळी लक्षणे दिसू लागतात. पण सुरुवातीच्या काळात सामान्य वाटणारी लक्षणे कालांतराने गंभीर रूप घेतात. त्यामुळे शरीरात दिसणाऱ्या कोणत्याही लक्षणांकडे दुर्लक्ष न करता आरोग्याची योग्य काळजी घेणे फार आवश्यक आहे. चला तर जाणून घेऊया शरीरात होणाऱ्या हार्मोनल बदलांमुळे कोणते आजार होतात.(फोटो सौजन्य – istock)
राज्यात संसर्गजन्य आजारांच्या रुग्ण संख्येत मोठी वाढ! अवकाळी-पूर-दुष्काळासोबत डेंग्यू-मलेरियाचा धोका
जास्त घाम येण्याच्या स्थितीला वैद्यकीय भाषेत हायपरहायड्रोसिस असे म्हणतात. घाम केवळ हाताचे तळवे, पायाचे तळवे किंवा काखेत न येता संपूर्ण शरीराला खूप जास्त घाम येतो. संपूर्ण शरीराला घाम आल्यानंतर अस्वस्थपणा वाढून मानसिक आरोग्य बिघडण्याची जास्त शक्यता असते. शरीरातील ‘हायपोथॅलॅमस’ ग्रंथी शरीराचे तापमान नियंत्रित करते. पण शरीरात होणाऱ्या हार्मोन्समुळे ग्रंथी शरीराला चुकीचे संकेत देते, ज्याच्या परिणामामुळे शरीराला थंड करण्यासाठी जास्तीचा घाम तयार करावा लागतो.
प्रामुख्याने महिलांमध्ये थायरॉईडची समस्या दिसून येते. थायरॉईड ग्रंथी गरजेपेक्षा जास्त थायरॉक्सिन हार्मोन तयार करतात, त्यावेळी शरीराची चयापचय क्रिया वेगाने वाढते. ज्याचा परिणाम संपूर्ण शरीरावर लगेच दिसू लागतो. यामुळे शरीरात उष्णता वाढते आणि सतत घाम येऊ लागतो. सतत येणाऱ्या घामामुळे शरीराचे तापमान वाढते. यासोबतच वजन झपाट्याने कमी होणे, हृदयाचे ठोके वाढणे इत्यादी गंभीर लक्षणे दिसू लागतात.
रक्तातील साखरेची पातळी वाढल्यानंतर शरीरसंबंधित अनेक वेगवेगळी लक्षणे दिसू लागतात. घाम आणि मधुमेह यांचा खूप जवळचा संबंध आहे. रक्तातील साखर अचानक कमी होते तेव्हा शरीर ॲड्रेनालाईन नावाचे हार्मोन बाहेर सोडते. ज्यामुळे मधुमेहाच्या रुग्नांना अचानक थंड घाम आल्यासारखे वाटते. वारंवार शरीरसंबंधित ही स्थिती उद्भवत असेल तर वेळीच डॉक्टरांच्या सल्ल्याने उपचार करणे आवश्यक आहे
Ans: थायरॉईड, डायबिटीज, हार्मोनल असंतुलन किंवा तणाव यामुळे अचानक घाम येऊ शकतो.
Ans: मेनोपॉज किंवा पीरियड्सदरम्यान होणारे हार्मोनल बदल हे प्रमुख कारण असू शकतात.
Ans: वारंवार रात्री घाम येत असेल तर ते काही गंभीर आजाराचे लक्षण असू शकते, त्यामुळे डॉक्टरांचा सल्ला घ्यावा.
