उन्हाळ्यात चेहरा राहील फ्रेश! दह्यात 'हे' पदार्थ मिक्स करून लावल्यास त्वचेवर येईल कोरियन फेशिअलसारखा ग्लो
सुंदर दिसण्यासाठी महिला सतत स्किन केअर प्रॉडक्ट, स्किन सीरम तर कधी महागड्या बोटॉक्स ट्रीटमेंट करून घेतात. वारंवार केलेल्या स्किन ट्रीटमेंटमुळे तरुण वयात त्वचा अतिशय सुंदर आणि ग्लोइंग दिसते. पण कालांतराने वय वाढल्यानंतर चेहऱ्यावर सुरकुत्या येणे, बारीक पिंपल्स, मुरूम इत्यादी अनेक लक्षणे दिसू लागतात. त्यामुळे सतत स्किन ट्रीटमेंट करू नये. उन्हाळ्याच्या दिवसांमधे चेहऱ्यावर वाढलेले टॅनिंग कमी करण्यासाठी फेशिअल करून घेतले जाते. पण उन्हात गेल्यानंतर फेशिअलचा ग्लो कमी होऊन जातो आणि त्वचा होती तशीच होते. कडक उन्हात कुठेही बाहेर फिरून आल्यानंतर चेहऱ्यावर टॅनिंग वाढते आणि संपूर्ण चेहरा काळवंडल्यासारखा दिसतो. म्हणूनच आज आम्ही तुम्हाला उन्हाळ्यात सुद्धा चेहरा फ्रेश ठेवण्यासाठी दह्यात कोणते पदार्थ मिक्स करून लावावेत, याबद्दल जाणून घेऊया सविस्तर माहिती.(फोटो सौजन्य – istock)
Skin Care Tips: कच्च्या दुधाने ५ मिनिटं नियमित चेहऱ्यावर करा मसाज, आठवडाभर त्वचेवर येईल चमकदार ग्लो
चेहऱ्यावर वाढलेले टॅनिंग किंवा पिंपल्स कमी करण्यासाठी वाटीमध्ये दही घेऊन त्यात चमचाभर मुलतानी माती मिक्स करा. तयार केलेली पेस्ट संपूर्ण चेहऱ्यावर लावून काहीवेळ तशीच ठेवा. त्यानंतर हलक्या हाताने मसाज करून त्वचा पाण्याने स्वच्छ धुवून टाका. मागील बऱ्याच वर्षांपासून त्वचेसंबंधित समस्यांपासून आराम मिळवण्यासाठी मुलतानी मातीचा वापर केला जात आहे. कमी वयात चेहऱ्यावर आलेल्या सुरकुत्या, बारीक रेषा आणि ओपन पोर्स कमी करण्यासाठी दही मुलतानी मातीचा फेसपॅक चेहऱ्यावर लावावा. हा फेसपॅक आठवड्यातून दोनदा चेहऱ्यावर लावल्यास त्वचेसंबंधित समस्यांपासून सुटका मिळेल आणि त्वचा उजळदार दिसेल.
चेहऱ्यावर दही लावल्यामुळे त्वचा हायड्रेट राहते. चेहऱ्यामधील ओलावा टिकून राहण्यास मदत होते तर मध लावल्यामुळे त्वचेचा काळवंडलेला रंग सुधारतो. उन्हाळामुळे किंवा इतर कोणत्याही कारणांमुळे काळवंडलेली त्वचा पुन्हा उजळदार करण्यासाठी दही आणि मधाचा फेसपॅक चेहऱ्यावर लावून ठेवावा. यासाठी वाटीमध्ये एक चमचा दही घेऊन त्यात चमचाभर मध घालून मिक्स करा. तयार केलेले मिश्रण संपूर्ण चेहऱ्यावर लावून काहीवेळ तसेच ठेवा आणि नंतर पाण्याने त्वचा स्वच्छ करून घ्या.
उन्हामुळे टॅन झालेल्या त्वचेवर ‘या’ पद्धतीने करा Rice Facial, चेहऱ्यावर येईल मोत्यासारखा चमकदार ग्लो
पपईमध्ये असलेले विटामिन सी त्वचेसाठी खूप जास्त फायदेशीर आहे. नियमित किंवा आठवड्यातून एकदा तरी वाटीभर पपई खाल्ल्यास चेहऱ्यावर चमकदार ग्लो येईल आणि त्वचा सुंदर दिसेल. वाटीमध्ये दही आणि पपईचा गर मिक्स करून घ्या. त्यानंतर तयार केलेले मिश्रण चेहऱ्यावर लावून काहीवेळ तसेच ठेवा. १० ते १५ मिनिट ठेवल्यानंतर त्वचा पाण्याने स्वच्छ करून टाका. पपई मास्क चेहऱ्यावर लावल्यामुळे टॅनिंग कमी होण्यास मदत होईल.
