शुक्रवार, 16 ऑक्टोबर 2026
'हे' पदार्थ शरीरासाठी ठरतात अतिशय हानिकारक! वजन वाढण्यासोबतच हृदयाचे आरोग्य येईल धोक्यात
Unhealthy Foods: निरोगी राहण्यासाठी आहारात वेगवेगळ्या पदार्थांचे सेवन केले जाते. पण जीवनशैलीत सतत होणाऱ्या बदलांच्या परिणामामुळे आरोग्य बिघडून जाते. झोपेची कमतरता, जंक फूडचे सेवन, कामाचा वाढलेला तणाव, मानसिक तणाव इत्यादी अनेक गोष्टींचा परिणाम शरीरावर लगेच दिसून येतो. पण बऱ्याचदा वजन वाढेल किंवा कोलेस्ट्रॉल वाढेल या भीतीने अनेक नैसर्गिक पदार्थ खाल्ले जात नाही. आहारावर किंवा खाण्यापिण्याच्या सवयींवर बंधन घातली जातात. योग्य प्रमाणात आणि योग्य पद्धतीने पदार्थ खाल्ल्यास शरीरासाठी ते फायदेशीर ठरू शकतात. अन्नपदार्थांचे गुणधर्म त्याच्या शिजवण्यावर आणि खाण्याच्या पद्धतीवर अवलंबून असतात. तेल, साखर आणि कृत्रिम प्रक्रिया केलेल्या पदार्थांचा आहारात समावेश करणे टाळावे. चला तर जाणून घेऊया रोजच्या ताटातील कोणते पदार्थ शरीरासाठी ठरतात अतिशय घातक, याबद्दल सविस्तर माहिती.(फोटो सौजन्य – istock)
बटाट्यामध्ये कार्बोहायड्रेट्स जास्त असतात. बटाट्यापासून वेफर्स किंवा फ्रेंच फ्राईज बनवले जातात. पण नेहमीच बटाटा खाणे शरीरासाठी अजिबात चांगले नाही. उकडलेल्या किंवा भाजलेल्या बटाट्यामध्ये विटामिन सी, पोटॅशियम, फायबर आणि रेसिस्टंट स्टार्च भरपूर प्रमाणात आढळून येतात. त्यामुळे आठवड्यातून एकदा किंवा दोनदा आहारात बटाट्याचा समावेश करू शकता.वारंवार बटाट्याचे सेवन केल्यास वजन वाढण्याची शक्यता असते.
अंड्याच्या आतील पिवळ्या भागामध्ये कोलेस्टेरॉलचे प्रमाण जास्त असते, त्यामुळे बऱ्याचदा अंड्याचे सेवन केले जात नाही. पण अंड्यामध्ये असलेले उच्च दर्जाचे प्रोटीन, विटामिन डी, विटामिन बी१२, सेलेनियम आणि ल्युटेन इत्यादी अनेक घटक शरीरासाठी फायदेशीर ठरतात. एका निरोगी व्यक्तीसाठी नियमित एक अंड खाणे शरीरासाठी फायदेशीर ठरेल. पण आहारात वारंवार अंडी खाल्ल्यास मूळव्याध किंवा शरीरात उष्णता वाढू शकते.
पॉपकॉर्नमध्ये बटर आणि मिठाचे प्रमाण जास्त असते. पॉपकॉर्नमध्ये खूप जास्त फायबर आणि शक्तिशाली अँटीऑक्सिडंट्स असतात. त्यामुळे पॉपकॉर्न बनवताना तेलाचा किंवा बटरचा वापर अजिबात करू नये. वजन कमी करायचे असल्यास पॉपकॉर्नचे सेवन करावे. यामुळे दीर्घकाळ पोट भरलेले राहते आणि शरीराला सुद्धा भरमसाट फायदे होतात.
Beauty Tips : चेहऱ्यावर केळीची साल घासल्याने काय होते? अभिनेत्री भाग्यश्री पटवर्धनने सांगितले फायदे
पीनट बटरमध्ये कॅलरीज आणि फॅट्सचे प्रमाण खूप जास्त असते. या भीतीने पीनट बटर खाल्ले जात नाही. याशिवाय प्रोटीन, मॅग्नेशियम आणि विटामिन ई यांसारख्या पोषक घटक असतात. पण बाजारात मिळणाऱ्या पीनट बटरमध्ये अतिरिक्त साखर आणि प्रिझर्व्हेटिव्ह्ज असतात. जे शरीरासाठी अतिशय वाईट मानले जातात. त्यामुळे आहारात कमीत कमी प्रमाणात पीनट बटरचा समावेश करावा.
