गुरुवार, 15 ऑक्टोबर 2026
(फोटो सौजन्य: Instagram)
अभिनेत्रीने शेअर केला केळीच्या सालीचा उपाय
आपल्या इंस्टाग्राम अकाऊंटवर व्हिडिओ शेअर करत भाग्यश्रीने केळीच्या सालीचा आपल्या चेहऱ्यावर कसा वापर करायचा आणि चेहऱ्याला नक्की कोणते फायदे होतात ते स्पष्ट केले. व्हिडिओमध्ये ती केळीच्या सालीला आपल्या चेहऱ्यावर हळूवारपणे घासताना दिसली. तिने सांगितले की, “केळे खाल्ल्यानंतर ते फेकून देण्याऐवजी चेहऱ्यावर लावा. यामुळे त्वचेला ओलावा मिळण्यास, डोळ्यांखालील काळी वर्तुळे कमी होण्यास, रंगत सुधारण्यास आणि सुरकुत्या कमी होण्यासही मदत होऊ शकते. त्यामुळे तुम्हीसुद्धा हा उपाय करून पाहू शकता.”
केळीच्या सालीने खरंच चेहऱ्याला फायदा होता का?
काही हेल्थ रिपोर्ट्सनुसार, केळीच्या सालीत अँटिऑक्सिडंट आणि अँटीमायक्रोबियल गुणधर्म असतात. यामध्ये फेनोलिक तत्व देखील भरपूर प्रमाणात आढळते. याशिवाय कॅरोटीनॉइड्स आणि पॉलिफेनॉलसारखे बायोॲक्टिव्ह घटकही याच मुबलक प्रमाणात आढळून येतात. हे सर्व घटक काही काळापर्यंत आपल्या त्वचेला फायदा मिळवून देऊ शकतात.
View this post on Instagram
ग्रीन टी की ब्लॅक कॉफी? वजन कमी करण्यासाठी कोणता पर्याय आहे सर्वात सर्वोत्तम?
रिपोर्ट्सनुसार, केळीची साल चेहऱ्यावर रगडल्याने त्वचा हलकी चमकायला लागते. डोळ्यांखाली जर तुम्हाला हलकी सूज जाणवत असेल तर केळीच्या सालीचा मसाज यासाठी फायद्याचा ठरेल. केळीची साल चेहऱ्यावर रगडल्याने काही प्रमाणात पिगमेंटशनचीही सुविधाही दूर होण्यास मदत होते. तथापि, प्रत्येकाची त्वचा वेगळी असते त्यावर उपायांचा परिणाम देखील काही प्रमाणात वेगळा दिसून येते. यामुळेच हा उपाय करण्याआधी आपल्या चेहऱ्यावर पॅच टेस्ट करायला विसरु नका. सुरुवातीला केळीची साल चेहऱ्यावर लावल्याने जर तुम्हाला जळजळ होत असेल किंवा चेहऱ्याला खाज सुटत असेल तर लगेच आपला चेहरा धुवा आणि हा उपाय वापरणे टाळा.
Ans: केळीच्या सालीत अँटिऑक्सिडंट्स आणि इतर जैविक घटक असतात. मात्र, चेहऱ्यावरील डाग, सुरकुत्या किंवा काळी वर्तुळे कमी करण्यासाठी ती प्रभावी असल्याचे ठोस वैज्ञानिक पुरावे मर्यादित आहेत.
Ans: यासाठी कोणताही प्रमाणित वेळ निश्चित केलेला नाही. त्वचेवर जळजळ किंवा खाज येत असल्यास त्वरित चेहरा स्वच्छ धुवा आणि वापरणे थांबवा.
Ans: प्रत्येकाची त्वचा वेगळी असते. त्यामुळे केळीची साल चेहऱ्यावर वापरण्यापूर्वी त्वचारोगतज्ज्ञांचा सल्ला घ्या आणि संवेदनशील त्वचा असल्यास विशेष काळजी घ्या.
