शनिवार, 17 ऑक्टोबर 2026
वाढलेल्या वजनाने त्रस्त आहात? मग 'या' पद्धतीने करा भिजवलेल्या काळ्या मनुक्यांचे सेवन, शरीराला होतील भरमसाट फायदे
काळ्या मनुक्यांचे सेवन करण्याची योग्य पद्धत?
मनुके खाण्याचे फायदे?
कोणत्या वेळी मनुके खावेत?
भारतासह जगभरातील सर्वच देशांमध्ये लठ्ठपणा, मधुमेह, उच्च कोलेस्ट्रॉल, उच्च रक्तदाब इत्यादी गंभीर आजारांच्या रुग्ण संख्येत झपाट्याने वाढ होत आहे. लठ्ठपणा किंवा वजन वाढल्यानंतर सुरुवातीच्या दिवसांमध्ये अजिबात लक्ष दिले जात नाही. पण कालातंराने शरीरावर आवश्यक चरबीचा घेत वाढू लागतो. यामुळे कपडे खरेदी करताना किंवा सिवलेस कपडे घातल्यानंतर लाजिरवण्यासारखे वाटते. वजन कमी करताना तासनतास व्यायाम, महागडे सप्लिमेंट्स, गोळ्या औषधांचे सेवन इत्यादी अनेक गोष्टींचे सेवन केले जाते. पण यामुळे वजन झपाट्याने कमी होते, पण शरीरावर दीर्घकाळ परिणाम होतात. आज आम्ही तुम्हाला वाढलेले वजन कमी करण्यासाठी काळ्या मनुक्यांचे कशा पद्धतीने सेवन करावे, याबद्दल जाणून घेऊया सविस्तर.(फोटो सौजन्य – istock)
पावसाळ्यात ऑफिस मध्ये ‘डोळे येण्याचा’ संसर्ग वेगाने पसरतो? जाणून घ्या कारणे आणि घरगुती उपाय
काळ्या मनुक्यांमध्ये तंतू, पोटॅशियम आणि विविध वनस्पतीजन्य घटक आढळून येतात. त्यामुळे सकाळी उठल्यानंतर नियमित भिजवलेले ४ ते ५ मनुके खावेत. मनुक्यांची चव गोड असल्यामुळे लहान मुलं सुद्धा आवडीने खातात. गोड पदार्थ खाण्याची खूप जास्त इच्छा झाल्यास काळ्या मनुक्यांचे सेवन करावे. मनुके खाल्ल्यामुळे लवकर भूक लागत नाही. पोट दीर्घकाळ भरलेले राहते. वजन कमी करताना मनुक्यांचे पाणी आणि ४ ते ५ भिजवलेले मनुके खावेत. याशिवाय वजन कमी करताना केवळ मनुक्यांवर अवलंबून न राहता आहार, व्यायाम, झोप आणि कॅलरी प्रमाण इत्यादी गोष्टीसुद्धा व्यवस्थित फॉलो कराव्यात.
गरजेनुसार ५ ते ६ मनुके घेऊन पाण्याने स्वच्छ धुवावेत आणि पाण्यात रात्रभर भिजत ठेवा. सकाळी उठल्यानंतर भिजवलेले मनुके आणि पाणी प्यावे. भिजवलेले मनुके मऊ झाल्यामुळे त्यातील पोषक घटक मोठ्या प्रमाणावर वाढतात. त्यामुळे सुके मनुके खाण्याऐवजी भिजवलेले मनुके खावेत. २६ ग्रॅम मनुकांमध्ये ७८ कॅलरी आणि जवळपास १७ ग्रॅम नैसर्गिक साखर असते. त्यामुळे मधुमेहाच्या त्रासाने त्रस्त असलेल्या रुग्णांनी सतत काळे मनुके खाऊ नयेत. यामुळे रक्तातील साखरेचे प्रमाण झपाट्याने वाढते.
दिवसभरात किती वेळात चहा प्यावा? जास्त वेळ ठेवलेला चहा ठरू शकतो आरोग्यासाठी धोकादायक
काळे मनुके प्रामुख्याने सकाळच्या नाश्त्यात किंवा हलकीशी भूक लागल्यानंतर खाऊ शकता. भिजवलेल्या ,मनुक्यांसोबतच दही, सुका मेवा आणि ओट्स एकत्र करून खावेत. सकाळच्या नाश्त्यात सहज पचन होणाऱ्या पदार्थांचे सेवन केल्यास आरोग्य चांगले राहील. वजन कमी करण्यासाठी केवळ मनुकेच नाहीतर योग्य जीवनशैली फॉलो करणे सुद्धा तितकेच आवश्यक आहे.
Ans: काही मनुका रात्री पाण्यात भिजवून सकाळी खाता येतात. सुरुवातीला कमी प्रमाणात घेऊन शरीराला त्याचा कसा परिणाम होतो हे पाहणे योग्य.
Ans: सकाळी भिजवलेल्या मनुका घेणे हा एक पर्याय आहे; मात्र वजन कमी होण्यासाठी दिवसातील एकूण कॅलरी, आहाराची गुणवत्ता आणि शारीरिक हालचाल अधिक महत्त्वाची आहे.
Ans: मनुकांमध्ये फायबर, पोटॅशियम आणि काही जीवनसत्त्वे व खनिजे असतात. संतुलित आहाराचा भाग म्हणून त्यांचे सेवन केल्यास पचन आणि एकूण पोषणाला मदत होऊ शकते.
