चहाचं व्यसन सोडण्यासाठी ‘हे’ सोपे उपाय ट्राय करा

जगभरात पाण्यानंतर सर्वाधिक पिले जाणारे पेय म्हणजे चहा (Tea) . याच गरमागरम आणि स्वादिष्ट पेयाने अनेक चहा प्रेमींच्या दिवसाची सुरुवात होते. चहा घेतल्याशिवाय अनेकांना ताजेतवाने वाटत नाही तर चहा घेतल्याने पुढचा दिवस व्यवस्थित सुरु होतो अशी अनेकांची भावना असते. परंतु चहा पिण्याच्या या सवयीमुळे हळूहळू या चहाचे व्यसन कधी लागते कळतही नाही. तसेच वारंवार चहा पिण्याच्या वाईट सवयीमुळे आरोग्यावर अनेक दुष्परिणाम होतात. तेव्हा हे चहाचे व्यसन सोडण्यासाठी काय करु शकतो या संदर्भात काही टिप्स आम्ही तुमच्या करता घेऊन आलो आहोत.

चहा सोडण्यासाठी काही टिप्स :

• सुरवातीला दोन वेळा कमी साखरेचा चहा प्या.
• त्यानंतर ग्रीन टी, ब्लॅक टी सुरू करा.
• चहाची तलफ आली तर लवंग, वेलची चघळा पण गोड काही खाऊ नका.
• तुम्ही सकाळी ८ वाजता चहा घेत असाल तर त्यावेळी गरम पाणी प्या. किंवा सरळ जेवण करा. यामुळे तुमची चहाची सवय सुटेल.

चहाचे दुष्परिणाम :

• चहा पिऊन जरी लोकांना ताजे तवाने झाल्यासारखे वाटत असले तरी अनेकदा नुसता दुधाचा चहा पिणे हे आरोग्यास हानिकारक आहे. यामुळे पित्त वाढून डोकेदुखी, अपचन, मळमळ, पोटफुगीसारख्या समस्या निर्माण होतात.
• दिवसाला ५ ते १० कप इतक्या प्रमाणात अती उकळलेला चहा पिल्याने पचनशक्ती बिघडून आम्लपित्त, अल्सर, सांधेदुखी, अंगदुखी अशा अनेक विकारांना बळी पडू शकतात. याशिवाय मधुमेह, कोलेस्टेरॉल, हृदयविकार अशा विकार होऊ शकतात.
• दूध, साखर आणि चहाची भुकटी एकत्र करून उकळलेला चहा कफ-पित्त वात वाढवणारा असतो.