बुधवार, 21 ऑक्टोबर 2026
this aashadhi ekadashi 2025 watch vitthal special serial and movies
पंढरपूर : यंदाच्या माघी यात्रेमध्ये (Maghi Yatra) पंढरपूरच्या (Pandharpur) विठ्ठल रुक्मिणी मंदिर (Vitthal Temple) समितीचे उत्पन्न चार पटीने वाढले आहे. विठूरायाच्या चरणी तब्बल 4 कोटी 88 लाख 62 हजार 28 रुपयांचे दान करण्यात आले आहे. यामध्ये सोने, रोख देणगी पावती, दानपेटीतील जमा रक्कम आणि भक्त निवास येथील उत्पन्नाचा समावेश आहे.
[read_also content=”तुर्कस्थानात झालेल्या भूकंपामुळं पृथ्वीच्या नकाशावर मोठे बदल, भारत सरकतोय युरोपकडे, पाण्याच्या- पेट्रोलच्या वाहिन्याही दिशा बदलण्याची शक्यता https://www.navarashtra.com/india/due-to-the-earthquake-in-turkey-major-changes-in-the-map-of-the-earth-india-is-moving-towards-europe-water-petrol-channels-are-also-likely-to-change-direction-nrdm-368418.html”]
माघी काळात वसंतपंचमीला एका भाविकाने आपले नाव गुपित ठेवण्याच्या अटीवर जवळपास पावणेदोन कोटी रुपयाचे सोन्या चांदीचे दान दिले आहे. त्यामुळे मंदिर समितीच्या उत्पन्नात फार मोठी वाढ झाली आहे. दरम्यान यंदाच्या वर्षी माघीसाठी विक्रमी संख्येने वारकरी आले होते. या काळात सुमारे पाच लाख भाविकांनी श्रींचे पदस्पर्श आणि मुखदर्शन घेतल्याची नोंद मंदिर समितीकडे झाली आहे. भाविक संख्या वाढल्याने मंदिर समितीच्या उत्पन्नातही वाढ झाल्याचे दिसून येत आहे.
यंदाची माघ शुद्ध जया एकादशी 1 फेब्रुवारी रोजी संपन्न झाली. यात्रा कालावधी 22 जानेवारी ते 5 फेब्रुवारी असा होता. या काळात मंदिर समितीला प्राप्त झालेल्या उत्पन्नाची माहिती मंदिर समितीचे कार्यकारी अधिकारी तुषार ठोंबरे यांनी दिली आहे. त्यांनी दिलेल्या माहितीनुसार यंदा माघी यात्रा काळात मंदिर समितीचे उत्पन्न मागील वर्षी झालेल्या माघी यात्रेच्या तुलनेत जवळपास चौपट झाले आहे. यंदा माघी एकादशीला पंढरपूरमध्ये मोठ्या संख्येने वारकरी आले होते. यावेळी कार्तिकी यात्रेहून अधिक विक्रमी माघी यात्रा झाल्याचे दिसून आले. एकादशीच्या दिवशी सुमारे पाच लाख वारकऱ्यांनी पंढरपूरमध्ये विठ्ठल-रुक्मिणीचे दर्शन घेतले.
यात्रा काळात सुमारे 8 लाखांपेक्षा जास्त वारकरी पंढरपूरमध्ये येऊन गेले आहेत. विशेष म्हणजे यंदा सोन्याच्या स्वरुपात तब्बल 1 कोटी 59 लाख 90 हजार रुपयांचे दागिने आले आहेत. याशिवाय 6 लाख 71 हजार रुपयांचे चांदीचे दागिने जमा झाले आहेत. भाविक मोठ्या संख्येने आल्याने मंदिर समितीच्या वेदांता, व्हिडीओकॉन, विठ्ठल रुक्मिणी भक्त निवास येथून एकूण 19 लाख रुपयांचे उत्पन्न मिळाले आहे. विठ्ठल आणि रुक्मिणीच्या पायावर 32 लाख रुपये देणगी जमा झालेली आहे. मंदिर समितीच्या हुंडी पेटीतून गेल्या वर्षीच्या तुलनेत दुप्प्पट म्हणजे 78 लाख रुपये इतके उत्पन्न मिळाले आहे. ऑनलाईन स्वरुपात 12 लाख 41 हजार रुपये देणगी जमा झाली आहे. यावरून हे स्पष्ट होते की यंदाची माघी यात्रा मंदिर समितीसाठी देवाचा खजिना भरणारी झाली आहे.
