संग्रहित फोटो
पंचवटी : पंचवटी परिसरातील फुलेनगर परिसरातील विजयनगर येथे रात्रीच्या सुमारास एक दुचाकी जळून खाक (Bike Fire) झाली आहे. आगीचे नेमके कारण समजू शकलेले नाही. मात्र, आग लागली की लावली याबाबत परिसरात अनेक चर्चा सुरु होत्या. याबाबत पंचवटी पोलीस ठाण्यात गुन्हा दाखल करण्यात आला आहे.
याबाबत धनाजी शार्दुल (४३) यांनी फिर्याद दिली आहे. त्यांची निळ्या रंगाची हिरो होंडा कंपनीची पॅशन प्रोला आग लागली होती. हे समजताच त्यांनी पाणी आणून आग विझविली. दुचाकी (एमएच १५ ईसी ४०८५) ही रात्री दहा वाजता घराबाहेर पार्क केली होती. दरम्यान, रात्री सव्वादोनच्या सुमारास घरातील विकी शिंदे यांनी घराच्या पार्कींगमधील दुचाकीला आग लागल्याचे सांगितले. त्यानंतर पार्कीगमध्ये येऊन पाहिले असता धनाजी शार्दुल यांना या आगीमध्ये दुचाकी पूर्णपणे जळून खाक झाल्याचे दिसले.
तसेच, या आगीमुळे लाईटचे मीटरसुध्दा जळून गेल्याने मोठे नुकसान झाले. मात्र, ही आग नेमकी कशामुळे लागली हे सांगता आले नाही. त्यामुळे दुचाकीला आग लागली तर कशी लागली असावी की काही समाजकंटकांनी दुचाकी पेटवली अशी चर्चा परिसरात सुरु आहे.
