राज्यात कोल्ड्रिंक कफ सिरपवर बंदी; राज्य सरकारचा महत्त्वपूर्ण निर्णय
मुंबई : लहान मुलांसाठी धोकादायक ठरत असलेल्या कोल्ड्रिंक कफ सिरपवर केंद्र सरकारनं बंदी घातली आहे. मध्यप्रदेश, तामिळनाडू आणि राजस्थाननंतर आता महाराष्ट्र सरकारनं देखील या कफ सिरपवर बंदी घालण्याचा निर्णय घेतला आहे. केंद्र सरकारनं सूचना दिल्याप्रमाणे राज्याच्या आरोग्य विभागालाही सूचना देण्यात आल्या आहेत. विशेषतः दोन राज्यांमध्ये ज्या पद्धतीनं चुकीची औषधं झाली आणि त्याचा फटका लहान मुलांना बसला. त्याबद्दल केंद्र सरकारनं जे निर्देश दिले आहेत, त्याची अंमलबजावणी राज्याचे आरोग्य विभाग करत आहे, अशी माहिती आरोग्यमंत्री प्रकाश आबिटकर यांनी दिली.
केंद्रीय अन्न व औषध प्रशासन कोल्ड्रिंक कफ सिरपबाबत योग्य ते निर्देश देत आहे. एखाद्या कंपनीचं एखादं औषध चुकीचं असेल म्हणजे सर्व काही चुकीचं आहे, अशा स्पष्ट सूचना आल्या आहेत. त्याची अंमलबजावणी राज्य सरकार करत आहे. केंद्र सरकारकडून याबाबत व्हिडिओ कॉन्फरन्सिंगद्वारे नुकतीच बैठक झाली. केंद्र सरकारकडून मिळालेल्या सूचनांचे आम्ही पालन करत आहोत. नागरिकांनीही घाबरून जाण्याचं कारण नाही, अशी भूमिका मंत्री प्रकाश आबिटकर यांनी मांडली.
हेदेखील वाचा : Cough Syrup मुळे झालेल्या मृत्यूप्रकरणी सीबीआय चौकशीची मागणी, सर्वोच्च न्यायालयात जनहित याचिका दाखल
कोल्हापूरचा थोरला दवाखाना अशी ओळख असलेल्या छत्रपती प्रमिला राजे रुग्णालय अर्थात सीपीआरमध्ये मनुष्यबळाची वाणवा आहे. आरोग्य कर्मचारी कमी असल्यामुळं याचा फटका उपचारासाठी येणाऱ्या रुग्णांना बसत असल्याचं निदर्शनास आणून दिल्यानंतर मंत्री प्रकाश आबिटकर म्हणाले, ‘सीपीआर सुरू झाल्यानंतरची लोकसंख्या आणि आताची परिस्थिती वेगळी आहे, जोपर्यंत शेंडा पार्कातील हॉस्पिटल सुरू होत नाही. तोपर्यंत जिल्ह्यातील नागरिकांना याचा त्रास होईल’.
दरम्यान, शेंडा पार्कातील हॉस्पिटल आणि मल्टी स्पेशालिटी हॉस्पिटलमध्ये १५० बेड वाढण्याचं नियोजन आहे. जोपर्यंत या सुविधा होत नाही, तोपर्यंत नागरिकांची अडचण होते. याची आम्हालाही कल्पना आहे. मात्र, याबाबत सीपीआरमध्ये प्राधान्य क्रमांक देण्याच्या सूचना डीनना देण्यात आल्या आहेत.
