शनिवार, 24 ऑक्टोबर 2026
टीपीएलच्या सहाव्या मोसमात दुसऱ्या दिवशी बेंगळुरू एसजी पायपर्स, गुजरात पँथर्स संघाची आघाडी
मुंबई : क्लिअर प्रिमियम वॉटर पुरस्कृत टेनिस प्रीमियर लीगच्या सहाव्या मोसमात बंगळुरू एसजी पायपर्स संघाने आघाडी मिळवत गुणतालिकेत अव्वल स्थानी झेप घेतली. क्रिकेट क्लब ऑफ इंडिया येथील कोर्टवर सुरू असलेल्या या स्पर्धेत दुसऱ्या दिवशी पहिल्या लढतीत बेंगळुरू एसजी पायपर्स संघाने बंगाल विझार्डस संघाचा 52-48 असा संघर्षपूर्ण पराभव केला.
अनिरुद्ध चंद्रशेखर व बर्नाबी झपाटा यांची शानदार कामगिरी
या सामन्यात बंगालच्या कॅमिला राखिमोव्हाने गॅब्रिएला नुस्तनचा 14-11 असा पराभव करून संघाचे खाते उघडले. पुरुष एकेरीत निकी पोनाचाने बर्नाबी झपाटाचा 13-12 असा निसटता पराभव करून केला. पण त्यानंतर मिश्र दुहेरीत बेंगळुरूच्या गॅब्रिएला नुस्तन व अनिरुद्ध चंद्रशेखर यांनी बंगालच्या कॅमिला राखिमोव्हा व श्रीराम बालाजी यांचा 14-11 असा पराभव करून ही आघाडी कमी केली. पुरुष दुहेरीत अनिरुद्ध चंद्रशेखर व बर्नाबी झपाटा यांनी श्रीराम बालाजी व निकी पोनाचा यांचा 15-10 असा पराभव करून संघाला विजय मिळवून दिला.
दुसऱ्या सामन्यात गुजरात पँथर्स संघाने पंजाब पेट्रीएट्स संघाचा 54-46 असा पराभव केला. सामन्यात गुजरातच्या एकतेरीना काझीनोव्हा हिने आकांक्षा नित्तूरेचा 19-6 असा पराभव करून संघाला सुरेख सुरुवात करून दिली. पुरुष एकेरीत मुकुंद शशिकुमारने सुमित नागलचा 15-10 असा पराभव केला. मिश्र दुहेरीत गुजरातच्या एकतेरीना काझीनोव्हाने विजय सुंदर प्रशांतच्या साथीत आकांक्षा नित्तुरे व साकेत मायनेनीचा 15-10असा पराभव करून संघाची आघाडी वाढवली.
हेही वाचा : PKL 11 : यूपी संघाची तेलुगू टायटन्सवर मात; रोमांचक सामन्यात मिळवला शानदार विजय
पुरुष दुहेरीत साकेत मायनेनी व मुकूंद शशीकुमार यांनी सुमित नागल व विजय सुंदर प्रशांत या जोडीचा 15-10 असा पराभव केला. पण गुजरात पँथर्स संघाने वर्चस्व कायम राखत पंजाब पेट्रीएट्स संघावर 54-46 असा विजय मिळवला.
