शनिवार, 17 ऑक्टोबर 2026
Buldhana Government Land Encroachment
यासंदर्भात बुलढाणा तहसीलदार यांच्याशी संपर्क साधण्याचा प्रयत्न केला. परंतु, ते उपलब्ध होऊ शकले नाही. प्रशासन कोणतीच दखल घेत नसल्याचे लक्षात येतास माजी सरपंच आरिफ खान, माजी सरपंच गजनफरोउल्ला खान, माजी तंटामुक्ती अध्यक्ष जुनेद खान, सदस्य विकास देशमुख बुलढाणा तहसील कार्यालयात पोहोचले. त्यांनी प्रशासनाच्या उदासीन भूमिकेचा निषेध व्यक्त करत तहसील कार्यालयातच ठिय्या आंदोलन सुरू केलेले आहे. खान यांनी माहिती देताना सांगितले की, गट क्रमांक १३८ मधील जमिनीचा सातबारा असलेले लोक अवैधरित्या गट क्रमांक ३१७ मधील शासकीय भूखंडाला आपली जमीन दाखवत अतिक्रमण करून आपल्या ताब्यात घेत आहे. जोपर्यंत सदर अतिक्रमण हटविण्यात येत नाही, तोपर्यंत आंदोलन मागे घेणार नाही, अशी भूमिका आंदोलनकर्त्यांनी घेतली.
देऊळघाट येथील शासकीय जमिनीवर अवैधरित्या ताबा घेतला जात आहे. यासंदर्भात बुलढाणा तहसील कार्यालयात ही आंदोलन सुरू असल्याची माहिती मिळाल्यानंतर बुलढाणा ग्रामीणचे ठाणेदार आशिष रोही, प्रशिक्षणार्थी तहसीलदार निकिता गजरे, तलाठी सावळे घटनास्थळी पोहोचून त्यांनी कागदपत्रे तपासून काम थांबविण्याचे आदेश दिले. परंतु, या पथकाच्या परतल्यानंतर पुन्हा त्या ठिकाणी लोखंडी अँगल गाडण्याचे काम केले जात होते..
