गुरुवार, 27 ऑगस्ट 2026
Lonar Lake Development Buldhana
लोणार शहराच्या सर्वांगीण व पर्यटनाच्या दृष्टीने महत्त्वाकांक्षी असलेल्या लोणार विकास आराखड्याच्या प्रत्यक्ष अंमलबजावणीची पाहणी आयुक्तांनी केली. विविध विकासकामांची पाहणी केल्यानंतर सर्व संबंधित विभागांचा आढावा घेतला. बैठकीला आमदार सिद्धार्थ खरात, जिल्हाधिकारी प्रवीणकुमार देवरे, जिल्हा परिषदेचे मुख्य कार्यकारी अधिकारी गुलाबराव खरात, उपविभागीय अधिकारी रवींद्र जोगी, वन्यजीव विभागाचे उपवनसंरक्षक अधिकारी यशवंत नागुलवार, सहायक वनसंरक्षक अधिकारी चेतन राठोड, पोलीस उपविभागीय अधिकारी संतोष खाडे, तहसीलदार भूषण पाटील, माजी नगराध्यक्ष विद्यमान नगरसेवक भूषण पाटील मापारी, प्रा. गाजनन खरात, तेजराव घायाळ यांच्यासह प्रमुख अधिकारी प्रामुख्याने उपस्थित होते. विभागीय आयुक्तांनी लोणार सरोवर परिसर, पर्यटन सुविधांची कामे, रस्ते व मूलभूत सोयी-सुविधांशी संबंधित विविध विकासकामांच्या ठिकाणी प्रत्यक्ष जाऊन कामाचा दर्जा आणि गतीची बारकाईने पाहणी केली. लोणारचा जागतिक पर्यटन नकाशावरील उंचावण्यासाठी दर्जा आणखी प्रशासन कटिबद्ध असल्याचे आयुक्त गुंडे यांनी सांगितले.
विकास आराखड्यातील प्रलंबित कामे तातडीने व गुणवत्तापूर्ण पद्धतीने मार्गी लावण्याचे निर्देश सर्व यंत्रणांना देण्यात आले. पर्यटक सुविधांवर भर पर्यटकांना जास्तीत जास्त सोयी-सुविधा उपलब्ध करून देण्याबाबत चर्चा झाली. पर्यावरण संवर्धन: विकासकामे करताना लोणार सरोवराची पर्यावरणीय आणि वैज्ञानिकादृष्ट्या असलेली संवेदनशीलता व जैवविविधता जपण्याला सर्वोच्च प्राधान्य देण्याच्या सूचना देण्यात आल्या. आंतरविभागीय समन्वय: सर्व संबंधित प्रशासकीय विभागांनी आणि विकास आराखडा समितीने आपापसात उत्तम समन्वय ठेवून काम करण्याच्या सूचना देण्यात आल्या.
नगराध्यक्षा मीरा मापारी व भूषण पाटील मापारी यांनी आयुक्त नयना गुंडे यांना निवेदन देऊन लोणार सरोवरातील वाढत्या पाणी पातळीवर तात्काळ उपाययोजना करण्याची मागणी केली. तसेच लोणार शहरातील पुरातन मंदिरापासून शंभर मीटरमध्ये येणाऱ्या गरीब गरजू नागरिकांना तत्काळ घरकुल देण्यात यावे, शहरातील पाणीपुरवठा योजनेला वाढीव निधी उपलब्ध करून द्यावा, अशी मागणी केली.
