सोमवार, 19 ऑक्टोबर 2026
Buldhana Khamgaon Vantara Project
बुलढाणा: जामनगरच्याजंगलात फुललेले ‘वनतारा’ आता बुलढाण्याच्या मातीतही फुलणार का? हा प्रश्न आता चर्चेत आला. कारण, खामगावच्या एका प्राणीप्रेमीने थेट देशातील सर्वात मोठ्या प्राणीप्रेमी कुटुंबाचे दार ठोठावले आहे.
खामगावच्या सुनीता आयलानी यांनी माजी केंद्रीय मंत्री मेनका गांधी यांच्या मार्गदर्शनाखाली ३ ऑक्टोबर रोजी जामनगर येथे अनंत अंबानी यांची भेट घेतली. खामगाव तालुक्यात रस्त्यावर भटकणाऱ्या, अपघातात जखमी झालेल्या मुक्या प्राण्यांसाठी एक हक्काचे घर असावे, ही त्यांची मागणी होती. या मागणीवर अनंत अंबानी यांनी दिलेले उत्तरच खामगावकरांसाठी दिलासादायक आहे. तुम्ही फक्त जागा घ्या, बाकी आम्ही पाहतो. या शब्दांनीच खामगावात ‘वनतारा’ उभारण्याच्या स्वप्नाला बळ मिळाले. दरम्यान, मेनका गांधी यांनीही ‘भाईजी’ यांच्याशी संपर्क साधून जागेसाठी मदत करण्याची विनंती केली असून, भाईजीनीही लगेच होकार दिला.
खामगाव येथे गुजरातच्या वनतारा प्रकल्पाच्या धर्तीवर भव्य वन्यप्राणी मदत व पुनर्वसन केंद्र साकारणार आहे. या महत्त्वाकांक्षी प्रकल्पामुळे विदर्भातील जखमी, अनाथ आणि संकटात सापडलेल्या वन्यजीवांना वेळेवर उपचार आणि हक्काचा आसरा मिळण्याचा मार्ग मोकळा होणार आहे. रिलायन्स इंडस्ट्रीजचे अनंत अंबानी यांच्या संकल्पनेतून जामनगर (गुजरात) येथे उभारण्यात आलेल्या जगप्रसिद्ध वनतारा वन्यजीव संरक्षण व पुनर्वसन केंद्राच्या धर्तीवरच खामगाव येथील केंद्राची रचना आणि कार्यप्रणाली असेल.
विदर्भ आणि लगतच्या परिसरातील चिबटचा, हरीण, दुर्मिळ पक्षी, सरपटणारे प्राणी आणि नीलगायी यासारख्या मानवी संधांमुळे किया अपघातांमुळे जखमी होणा-या प्राण्यांना तातडीने मदत देणे हा यामागचा मुख्य उद्देश आहे. या केंद्रामुळे वन्यजीव संरक्षणात बुलढाणा जिल्हा आणि पर्यायाने संपूर्ण पश्चिम विदभांला एक नवी ओळख मिळणार आहे.
प्राण्यांना कोंडून न ठेवता त्यांच्या नैसर्गिक वातावरणाशी जुळवून घेणारे विस्तीर्ण एन्क्लोजर्स येथे तयार केले जातील. त्यामुळे विदर्भातील वन्यजीवांना संरक्षण मिळेल.
आणि योग्य आहार केंद्र असण्याची शक्यता आहे. केंद्रात वन्यप्राण्यांसाठी आधुनिक वैद्यकीय रुग्णालय, अतिदक्षता विभाग शस्त्रक्रिया कक्ष, डिजीटल एक्स-रे आदी सुविधा मिळावी.
Buldhana: दुष्काळावर मात करण्यासाठी प्रशासनाचा मास्टर प्लॅन; १० हजारांहून अधिक कामांचे नियोजन
