शनिवार, 17 ऑक्टोबर 2026
Buldhana drought
बुलढाणा: यंदाचा खरीप हंगाम शेतकऱ्यांसह शेतमजुरांसाठी चिंतेचा विषय बनला आहे. त्यातच रब्बी हंगामातूनही अपेक्षित रोजगार आणि उत्पन्नाची हमी नाही. खरीप हंगामात अत्यल्प राहिलेल्या पर्जन्यमानामुळे जिल्ह्याला दुष्काळी परिस्थितीचा सामना करावा लागत आहे. कोरड्या दुष्काळामुळे जिल्ह्यातील उद्भवलेल्या दुष्काळी परिस्थितीचा सामना करण्यासाठी जिल्हा प्रशासनाकडून विविध उपायोजनांना गती दिली आहे. जलसंधारण, सिंचन क्षमता वाढविणे, वृक्षलागवड, कृषी विकास आणि ग्रामीण पायाभूत सुविधांच्या कामांवर भर देण्यात येत असून, २०२६-२७ च्या वार्षिक नियोजन आराखड्यात तब्बल १० हजार ११३ कामांचे नियोजन करण्यात आले. या माध्यमातून जिल्ह्यातील ३ लाख ९४ हजार ९५ मजुरांना रोजगार उपलब्ध करून देण्यासोबतच भविष्यातील पाणीटंचाई कमी करण्याचे उद्दिष्ट ठेवण्यात आले.
Washim: जबरी चोरी करणारी टोळी गजाआड; स्थानिक गुन्हे शाखेची धडक कारवाई; ६ लाखांवर मुद्देमाल हस्तगत
जिल्ह्यात ग्रामीण भागातील रोजगारनिर्मितीला चालना देण्यासोबतच जलसंधारण, वृक्षलागवड, सिंचन सुविधा आणि दुष्काळ निवारणाच्या उपाययोजनांवर भर देण्यात येत आहे. सन २०२६-२०२७ या आर्थिक वर्षाच्या वार्षिक आराखड्यात एकूण १ लाख ७५ हजार ३६४ कामांचा समावेश करण्यात आला आहे. या माध्यमातून ग्रामीण भागात रोजगाराच्या संधी उपलब्ध करून देणे, पाणीटंचाईवर मात करणे आणि नैसर्गिक संसाधनांचे संवर्धन करणे, हा उद्देश आहे. जिल्ह्यात सध्या एकूण १० हजार ११३ कामे शेल्फवर उपलब्ध असून, त्यांची मजूर क्षमता ३ लाख ९४ हजार ९५ इतको आहे. त्यामुळे गरजेनुसार विविध विकासकामे हाती घेऊन ग्रामीण भागातील मजुरांना रोजगार उपलब्ध करून देण्याची संधी निर्माण झाली.
जिल्ह्यात सुरू असलेल्या कामामध्ये जलसंधारण आणि वृक्षलागवडीशी संबंधित कामांचा मोठा समावेश आहे. उपलब्ध आकडेवारीनुसार, या क्षेत्राशी संबंधित एकूण १२ हजार ५७८ कामे असून, त्यामध्ये वृक्षलागवड, फळबाग लागवड, सिंचन विहिरी आणि मातोश्री पांदण रस्त्याचा समावेश आहे. यामध्ये २ हजार ६४८ वृक्षलागवडीची कामे, ५ हजार ७०८ फळबाग लागवडीची कामे, ३ हजार ४०१ सिंचन विहिरीची कामे आणि ५२७ मातोश्री पांदण रस्त्यांच्या कामांचा समावेश आहे. या कामांमुळे शेतीसाठी पाण्याची उपलब्धता वाढविणे, हरित क्षेत्रात वाढ करणे, फळबाग लागवडीला प्रोत्साहन देणे आणि शेतरस्त्यांची सुविधा सुधारणे शक्य होणार आहे. या सर्व कामांमधून एकूण ५५ लाख ४१ हजार ८२० मनुष्यदिनांची निर्मिती होण्याची क्षमता असल्याचे नमूद करण्यात आले आहे. त्यामुळे ही कामे ग्रामीण भागातील रोजगारनिर्मितीसोबतच कृषी विकासासाठीही महत्वाची ठरणार आहेत
जिल्ह्याच्या २०२६-२०२७ च्या वार्षिक आराखड्यात दुष्काळ निवारणाच्या दृष्टीने विविध कामांचा समावेश करण्यात आला. पावसाचे पाणी जमिनीत मुरविणे, भूजल पातळीत सुधारणा करणे, पाण्याचा कार्यक्षम वापर करणे आणि शेतीला पाण्याची उपलब्धता वाढविणे, या उद्देशाने पुढील कामांचे नियोजन करण्यात आले.
जिल्ह्यातील विविध विकासकामांच्या माध्यमातून रोजगारनिर्मिती आणि नैसर्गिक संसाधनांचे संवर्धन या दोन्ही उद्दिष्टांना महत्त्व देण्यात वेत्त आहे. जलसंधारणाची कामे, विहीर पुनर्भरण, शेततळी, फळबाग लागवड आणि वृक्षलागवड यांसारख्या उपक्रमांमुळे ग्रामीण भागातील पायाभूत सुविधा मजबूत होण्यास मदत होऊ शकते.
Washim: कारंजा-वाशिम मार्गावर भीषण दुर्घटना! दोन मुख्याध्यापकांसह तिघांचा मृत्यू; परिसरात शोककळा
