शनिवार, 17 ऑक्टोबर 2026
मुंबई : मुंबईकरांना लवकरच संजय गांधी राष्ट्रीय उद्यानात (Sanjay Gandhi National Park) आता सिंहसुद्धा पाहायला मिळणार आहे. गुजरातमधील सिंह आणि सिंहीणीची जोडी (Gujrat Lion) नोव्हेंबरच्या अखेरीस दाखल होणार आहे. वनमंत्री सुधीर मुनगंटीवार (Sudhir Mungantiwar) यांनी ही माहिती दिली. सक्करबाग (Sakkar Baug Zoo) प्राणी संग्रहालयाच्या वतीने सिंह आणि सिंहीणीची जोडी देण्यात येणार आहे.
वनमंत्री सुधीर मुनगंटीवार यांच्या गुजरात दौऱ्याच्या वेळी गुजरातचे (Gujarat) वन राज्यमंत्री जगदीश विश्वकर्मा यांच्याशी याविषयी चर्चा झाली होती. त्यावेळी गुजरातमधील सिंहाची जोडी संजय गांधी राष्ट्रीय उद्यानात पाठविण्याबाबत एकमत झाले होते. केंद्रीय प्राणी संग्रहालय प्राधिकारणाच्या परवानगीसाठी हा विषय थांबला होता. आता ही परवानगी मिळाल्याने गुजरात येथील सक्करबाग प्राणी संग्रहालयातील आशियायी सिंह आणि सिंहीणीची जोडी आता नोव्हेंबर अखेरीस मुंबईत दाखल होणार आहे.
संजय गांधी राष्ट्रीय उद्यान बोरिवली येथे १२ हेक्टर कुंपण क्षेत्रात क्षेत्रात १९७५-७६ मध्ये सिंह सफारी सुरू करण्यात आली होती. सिंह सफारीमुळे उद्यानाच्या महसुलात वाढदेखील झाली होती. परंतु केंद्रीय प्राणी संग्रहालय प्राधिकरणाने सिंहाचे प्रजनन करण्यास मनाई केल्याने येथील सिंहाची संख्या कमी झाली. गेल्या महिन्यात १७ वर्षे वयाच्या सिंहाचा मृत्यू झाल्याने उद्यानात एकच नर सिंह शिल्लक राहिला. दरम्यान वनमंत्री मुनगंटीवार यांच्या प्रयत्नांमुळे गुजरात राज्यातील ही सिंह आणि सिंहीणीची जोडी येणार असल्याने उद्यानात पर्यटकांची संख्या पुन्हा वाढणार आहे.
