छत्रपती संभाजीनगरमध्ये थंडीमुळे भाजीपाला कडाडला! ९० टक्के दर वाढले; गृहिणींचे बजेट कोलमडले

छत्रपती संभाजीनगरमध्ये थंडीमुळे भाजीपाला कडाडला! कोथिंबीर ₹ ४०, मटार ₹ २०० किलो. पालेभाज्या ९०% महागल्या, गृहिणींचे बजेट कोलमडले. अंड्यांची मागणीही वाढली.

छत्रपती संभाजीनगरमध्ये थंडीमुळे भाजीपाला कडाडला! (Photo Credit - X)

Follow Us:

Follow Us:

• थंडीच्या कडाक्याचा फटका शेतमालाला
• कृषी उत्पन्न बाजार समितीत आवक घटली
• पालेभाज्यांचे दर ९०% नी वाढले

पालेभाज्या ९०% महागल्या

मागील महिन्यात परतीच्या पावसामुळे भाज्यांचे मोठे नुकसान झाले होते, त्यामुळे आता थंडी वाढताच कृषी उत्पन्न बाजार समितीत मालाची आवक घटली आहे. यामुळे औरंगपुरा, शहागंज, पिरबाजारसह शहरातील इतर मंड्यांतील विक्रीवर परिणाम झाला आहे.

• पालेभाज्या: यंदा पालेभाज्यांचे दर सरासरी ९० टक्के महागले आहेत. पाच रुपयांना मिळणारी मेथीची जुडी आता ₹ १५ ते ₹ २० रुपयांना मिळत आहे.
• वांगी-भेंडी: वांगी (भाजी) आणि कारलीही आवाक्याबाहेर गेली आहेत.

हे देखील वाचा: Chhatrapati Sambhajinagar Pune Air Service: छत्रपती संभाजीनगर ते पुणे आता हवाई मार्गाने जोडले जाणार; ‘फ्लाय९१’ एअर सेवेची तयारी

प्रमुख भाज्यांचे दर (प्रति किलो)

जीवनावश्यक असलेल्या भाज्यांचे वाढलेले दर गृहिणींसाठी डोकेदुखी ठरत आहेत.

मटार, फुलकोबी, भेंडी, मिरची आणि अद्रक या भाज्या या दरात खरेदी करणे म्हणजे कंबरडे मोडण्यासारखे असल्याची महिलांची भावना आहे.

अंडी आणि लसणाचे दरही तेजीत

• लसूण आणि गवार: मागील दोन वर्षांपासून लसणाचे दर वाढलेलेच आहेत. शहागंज मंडीत हायब्रीड लसूण ₹ १८० रुपयांना विकला जात आहे. दुधी भोपळा ₹ ६० तर गवाराच्या शेंगाही ₹ १२० रुपये किलो दराने विकत घेणे महिलांसाठी नाकीनऊ आणणारे ठरत आहे.
• अंडी: थंडी वाढताच अंड्यांची मागणी वाढली आहे. सध्या अंडी ₹ ६४ रुपये डझन आणि ₹ ७ ते ₹ ८ रुपये प्रतिनग दराने विकली जात आहेत. हैदराबाद येथून शहरात मोठी आवक होत असून, त्याची ठोक खरेदी ₹ ५०० रुपये शेकडा (१०० नग) अशी केली जात आहे.
• कांदा: कांद्याचे भाव उतरले असून, तो ₹ १५ रुपये किलो दराने खरेदी होत आहे, मात्र त्याची चव खराब झाली आहे.

हे देखील वाचा: Chhatrapati Sambhajinagar: श्वानप्रेमींसाठी दिलासादायक! ७५० चा परवाना आता फक्त ‘इतक्या’ रुपयांत; तर रेबीज व्हॅक्सिनही मोफत

Web Title: Vegetables have become scarce due to cold in chhatrapati sambhajinagar

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com