मुंबई : गणपती विसर्जनावरुन प्रभादेवी (prabhadevi) शिवसेना आणि शिंदे गटात राडा झाला होता. यावेळी शिंदे गटाचे आमदार सदा सरवणकर यांनी गोळ्या झाडल्याचा आरोप शिवसेनेनं केला होता. या प्रकरणी गुन्ह दाखल झाल्यानंतर दादर पोलिसांकडून सदा सरवणकरांचं पिस्तुल जप्त करण्यात आलं आहे. तसचं घटनास्थळावरुन पोलिसांकडून गोळीही जप्त करण्यात आल्याची माहिती आहे.
गणेश विसर्जाना दरम्यान शुक्रवारी प्रभादेवी परिसरात शिवसेना आणि शिंदे गटात वाद झाला होता. यावेळी दोन्ही गटाचे कार्यकर्ते आमने सामने आल्याने चागंलाच राडा झाला होता. दरम्यान, शनिवारी पुन्हा हा वाद उफाळुन आला आणि यावेळी आमदार सदा सरवणकर यांनी गोळीबार केल्याचा आरोप शिवसेनेकडून करण्यात आला होता. शिवसेनेच्या तक्रारी नंतर त्यानंतर सदा सरवणकर यांच्यासह समर्थकांवर गुन्हा दाखल झाला होता. या प्रकरणी तपास सुरू करण्यात आला होता. आता या प्रकरणी दादर पोलिसांनी सदा सरवणकरा यांच पिस्तुल जप्त केलं आहे.
गणेश विसर्जनच्या दिवशी प्रभादेवी परिसरात शिवसेना आणि शिंदे गटात मंच उभारण्यात आला होता. यावरून दोन्ही गट आमने सामने आले होते. मात्र हा वाद निवळला होता. त्यानंतर पुन्हा शनिवारी या वादाचे रुपांतर राड्यात झाले. शिंदे गटात असलेले माजी नगरसेवक समाधान सरवणकर आणि वरळीतील शिवसेनेच्या माजी नगरसेविका हेमांगी वरळीकर यांच्यात वाद झाले होते. दोन्ही गटात शाब्दिक बाचाबाची झाली. त्यानंतर शनिवारी शिवसेना उपनेत्या किशोरी पेडणेकर यांनी दादर पोलीस स्टेशनमध्ये तक्रार नोंदवली होती.
