चिंचवड पोटनिवडणुकीसाठी महाविकास आघाडीच्या नाना काटेंनी भरला अर्ज; अजित पवारांची उपस्थिती

चिंचवडमध्ये (Chinchwad Bypoll) भाजपचे आमदार लक्ष्मण जगताप (Laxman Jagtap) यांच्या निधनानंतर पोटनिवडणूक होत आहे. या ठिकाणी भाजपने यापूर्वीच आपले उमेदवार जाहीर केले आहेत. त्यानंतर आज राष्ट्रवादी काँग्रेसकडून (NCP) चिंचवड येथे उमेदवार जाहीर करण्यात आला.

Follow Us:

Follow Us:

पिंपरी : चिंचवडमध्ये (Chinchwad Bypoll) भाजपचे आमदार लक्ष्मण जगताप (Laxman Jagtap) यांच्या निधनानंतर पोटनिवडणूक होत आहे. या ठिकाणी भाजपने यापूर्वीच आपले उमेदवार जाहीर केले आहेत. त्यानंतर आज राष्ट्रवादी काँग्रेसकडून (NCP) चिंचवड येथे उमेदवार जाहीर करण्यात आला. राष्ट्रवादीकडून नाना काटे (Nana Kate) यांना उमेदवारी देण्यात आली आहे. आज काटे यांनी उमेदवारी अर्ज भरला. यावेळी राष्ट्रवादी काँग्रेसचे वरिष्ठ नेते आणि विरोधी पक्षनेते अजित पवार (Ajit Pawar) हेदेखील उपस्थित होते.

पुण्यातील भाजप आमदार मुक्ता टिळक आणि चिंचवडचे आमदार लक्ष्मण जगताप यांच्या निधनानंतर या जागेवर पोटनिवडणूक होत आहे. या ठिकाणी राष्ट्रवादी काँग्रेसकडून नाना काटे यांना उमेदवारी देण्यात आली आहे. त्यानंतर चिंचवड विधानसभा पोटनिवडणुकीसाठी महाविकास आघाडीचे अधिकृत उमेदवार नाना काटे यांच्या प्रचारार्थ आयोजित रॅलीमध्ये विधानसभेचे विरोधी पक्षनेते अजित पवार हे सहभागी झाले. यावेळी त्यांच्या उपस्थितीत नाना काटे यांनी उमेदवारी अर्ज दाखल केला.

पोटनिवडणुकीसाठी भाजपकडून अश्विनी जगताप यांना उमेदवारी

चिंचवड पोटनिवडणूक जाहीर झाल्यापासूनच लक्ष्मण जगताप यांचे बंधू शंकर जगताप इच्छुक होते. पण, त्यांच्याऐवजी अश्विनी जगताप यांना तिकीट देण्यात आले आहे. मात्र, अचानक शंकर जगताप यांनी अर्ज भरल्यामुळे कार्यकर्ते गोंधळात पडले होते. पण लक्ष्मण जगताप यांचा हा डमी अर्ज असल्याचा खुलासा भाजपच्या नेत्यांकडून करण्यात आला आहे.

कसब्यात काँग्रेसकडून धंगेकर

कसब्यात काँग्रेसचे रवींद्र धंगेकर यांना उमेदवारी देण्यात आली असून, त्यांनी उमेदवारी अर्ज भरला आहे. तर भाजपचे उमेदवार हेमंत रासने यांनी देखील उमेदवारी अर्ज भरला आहे. तर दुसरीकडे चिंचवडमध्ये भाजपकडून अश्विनी जगताप यांनी भरला उमेदवारी अर्ज भरला आहे. यानंतर अश्विनी जगताप यांनी जोरदार शक्तीप्रदर्शन केलं आहे.

Web Title: Nomination form filled by nana kate mahavikas aghadi for chinchwad by election ajit pawar also present nrka

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com