बुधवार, 21 ऑक्टोबर 2026
मिरा-भाईंदरमध्ये ड्रग्ज तस्करीत पोलिस हवालदाराला रंगेहाथ बेड्या ( सौजन्य - Chatgpt )
खाकी वर्दीतले रक्षकच थेट ड्रग्ज माफियांचे भागीदार बनल्याने पोलिस दलाची लक्तरे वेशीवर टांगली गेली असून, सामाजिक कार्यकर्ते सुशांत पवार यांनी पोलीस आयुक्तांना चांगलेच खडे बोल सुनावले आहेत. तस्करी रोखता येत नसेल, तर पोलिस आयुक्तांनी नैतिक जबाबदारी स्वीकारून तात्काळ निघून जावे, असा संताप पवार यांनी व्यक्त केला आहे.
पोलिस आयुक्तालयातील पोलिसांचा गुन्हेगारी सहभाग आता अपवादात्मक राहिलेला नसून ती एक साखळी बनल्याचे धक्कादायक चित्र आहे. यापूर्वी नयानगर पोलिस ठाण्यातील अंमलदार प्रमोद केंद्रे याने थेट लातूरमधील स्वतःच्या शेतात एमडी ड्रग्जचा कारखाना थाटल्याचे उघडकीस आले होते. हे प्रकरण ताजे असतानाच, आता भाईंदर पूर्वेला हवालदार प्रकाश पवार आणि त्याचा साथीदार अखिलेश कुमार यांना मोठ्या प्रमाणावर ड्रग्जची तस्करी करताना रंगेहाथ पकडण्यात आले. वर्दीच्या आड चालणारा हा काळा धंदा चव्हाट्‌यावर आल्याने शहरात तीव्र संताप व्यक्त होत आहे.
केवळ हवालदार पातळीवरील कर्मचारीच नव्हे, तर आयुक्तालयातील कित्येक वरिष्ठ पोलिस अधिकाऱ्यांचे ड्रग्ज तस्करांशी अतिशय घनिष्ठ व संशयास्पद संबंध असल्याची चर्चा दलात आणि शहरात उघडपणे सुरू आहे. अमली पदार्थविरोधी कारवायांचे केवळ दिखाऊ नाटक करायचे आणि आतून ड्रग्ज माफियांना अभय द्यायचे, असाच हा प्रकार असल्याचा संशय बळावला आहे. ‘रक्षकच भक्षक बनून तरुण पिढीला नशेच्या खाईत लोटत असतील, तर शहराला कोण वाचवणार?’, असा जळजळीत प्रश्न पवार यांनी उपस्थित केला आहे.
अशा घटनांमुळे प्रामाणिकपणे दिवस-रात्र ड्युटी करणाऱ्या हजारो पोलिसांच्या कष्टावर आणि खाकीच्या प्रतिष्ठेवर पाणी फिरत आहे. केवळ तात्पुरती चौकशी, निलंबन किंवा बदल्यांचे सोपस्कार करून हे प्रकरण दाबण्याचा प्रयत्न खपवून घेतला जाणार नाही. ड्रग्जच्या विळख्यात अडकलेल्या आणि तस्करांशी हातमिळवणी करणाऱ्या कर्मचाऱ्यांना खाकी वर्दीत ठेवण्याचा कोणताही अधिकार नसून त्यांना थेट सेवेतून बडतर्फ करण्यात यावे, अशी मागणी सुशांत पवार यानी केली आहे.
आयुक्तांनीएसी संपूर्ण आयुक्तालयाची झाडाझडती घ्यावी आणि ड्रग्ज रॅकेट मुळासकट उखडून टाकावे. जर स्वतःच्या खात्यातील तस्करी आणि भ्रष्टाचार रोखण्यात अपयश येत असेल, तर नैतिक जबाबदारी स्वीकारून तत्काळ निघून जावे. खात्यातील या काळ्या कारभाराविरोधात आवाज उठवणाऱ्या सामाजिक कार्यकर्त्यांना आणि पत्रकारांना अँटी पोलिस’ ठरवून खोट्या गुन्ह्यांत अडकवण्याचे कट रचण्याऐवजी स्वतःच्या खात्यातील गुन्हेगारांवर कठोर कारवाई करून दाखवावी, असेही पवार यांनी म्हटले आहे.
Ans: भाईंदर पूर्वेला MD ड्रग्जची प्रत्यक्ष तस्करी करताना पोलिस हवालदार प्रकाश पवार आणि त्याचा साथीदार अखिलेश कुमार यांना रंगेहाथ अटक करण्यात आली आहे.
Ans: यापूर्वी नयानगर पोलिस ठाण्यातील कर्मचारी प्रमोद केंद्रे याने थेट लातूरमधील स्वतःच्या शेतात एमडी ड्रग्ज तयार करण्याचा कारखाना थाटल्याचा प्रकार उघडकीस आला होता.
Ans: सामाजिक कार्यकर्ते सुशांत पवार यांनी अशा भ्रष्ट आणि ड्रग्ज तस्करांशी हातमिळवणी करणाऱ्या पोलिसांना केवळ निलंबित न करता थेट सेवेतून बडतर्फ करावे आणि गैरप्रकार रोखता येत नसतील तर आयुक्तांनी नैतिक जबाबदारी स्वीकारून पद सोडावे, अशी मागणी केली आहे.
