मोठी बातमी! मंत्री जयकुमार गोरेंची बदनामी प्रकरण; रामराजे नाईक निंबाळकरांना पोलिसांचे समन्स

राज्याचे ग्रामविकास मंत्री जयकुमार गोरे यांना खंडणी मागितल्या प्रकरणी पत्रकार तुषार खरात संबंधित महिला व शिवसेना शिंदे गटाचे सातारा उपजिल्हाप्रमुख अनिल सुभेदार यांना दहिवडी पोलिसांनी अटक केली होती

रामराजे नाईक निंबाळकर यांना पोलिसांचे समन्स (फोटो- सोशल मिडिया)

Follow Us:

Follow Us:

सातारा: ग्रामविकास मंत्री जयकुमार गोरे यांच्या बदनामी प्रकरणी माजी विधानसभा परिषद सभापती आमदार रामराजे नाईक निंबाळकर यांना वडूज पोलिसांनी समन्स जारी केले आहेत .यामुळे राजकीय वर्तुळात चर्चांना सुरुवात झाली आहे शनिवारी सकाळी 11 वाजता हे हजर राहण्याचे आदेश देण्यात आले आहेत .

या प्रकरणांमध्ये शरद पवार यांच्या राष्ट्रवादीचे नेते सहभागी असल्याचा आरोपही करण्यात आला आहे जिल्हा बँकेचे संचालक प्रभाकर घार्गे यांना वडूज पोलीस ठाण्याकडून सातारा शहर पोलीस ठाण्यात नोंद असलेल्या गुन्ह्याच्या तपासा संदर्भात समजपत्र देण्यात आले आहे . आज शुक्रवारी घारगे यांना वडूज पोलिस ठाण्यात हजर राहण्याच्या संदर्भात सूचित करण्यात आले होते .

याबाबत मिळालेल्या माहितीनुसार राज्याचे ग्रामविकास मंत्री जयकुमार गोरे यांना खंडणी मागितल्या प्रकरणी पत्रकार तुषार खरात संबंधित महिला व शिवसेना शिंदे गटाचे सातारा उपजिल्हाप्रमुख अनिल सुभेदार यांना दहिवडी पोलिसांनी अटक केली होती.  त्यांना मिळालेल्या कोठडीनंतर या तिघांनाही न्यायालयीन कोठडी देण्यात आली होती खरात यांना सुरुवातीला अटक केल्यानंतर संबंधित महिलेलाही सातारा पोलिसांनी एक कोटी रुपयांची खंडणी घेताना ताब्यात घेतले होते या गुन्ह्याचा तपास सातारा पोलिसांकडून वडूज पोलिसांकडे वर्ग करण्यात आला होता त्या अनुषंगाने वडूज पोलिसांनी न्यायालयाकडे पत्रकार खरात संबंधित महिला व आणि अनिल सुभेदार यांच्यासाठी पोलीस कोठडीची मागणी केली होती त्यानुसार सातारा जिल्हा न्यायालय या तिघांनाही वडूज पोलिसांच्या हवाली केल्याची माहिती पोलीस निरीक्षक घनश्याम सोनवणे यांनी दिली

त्याचबरोबर या प्रकरणात सातारा जिल्ह्याचे राजकारण ज्यांच्याभोवती फिरत होते अशा विधान परिषदेचे माजी सभापती आमदार रामराजे नाईक निंबाळकर व विधानसभा निवडणुकीतील पराभूत उमेदवार प्रभाकर घार्गे यांना देखील वडूज पोलिसांनी चौकशीसाठी हजर राहण्याची नोटीस पाठवली आहे असे पोलीस निरीक्षक सोनवणे यांनी सांगितले आहे माजी विभागीय आयुक्त प्रभाकर देशमुख यांच्या पुणे येथील घरी ही पोलिसांचे पथक चौकशीसाठी काही दिवसापूर्वी गेले होते .यामुळे या प्रकरणात वेगळेच नाट्यमय वळण आले आहे या प्रकरणात आणखी किती जणांची चौकशी होणार याकडे राजकीय वर्तुळाचे लक्ष लागून राहिले आहे

Web Title: Police issued a restraining order against ramraje naik nimbalkar in defamation case against minister jayakumar gore

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com