Pune News : जिल्ह्यासाठी 115 आधार नोंदणी संच मंजूर; 356 अर्ज झाले होते प्राप्त
पुणे : नवीन आधार नोंदणी संच वितरणासाठी जिल्हाधिकारी कार्यालयाकडून आधार नोंदणी केंद्राकरिता अर्ज मागवण्यात आले होते. यासाठी ३५6 अर्ज प्राप्त झाले होते. यातील २७२ अर्ज पात्र ठरले आहेत.
जिल्हाधिकारी यांच्या अध्यक्षतेखाली सर्व पात्र अर्जदारांसमक्ष आधार संच वितरण सोडत १२ जून रोजी घेण्यात आली. यामध्ये ११५ पात्र अर्जदारांना नवीन आधार नोंदणी संचांची मंजूरी अटी व शर्तीच्या अधीन राहून देण्यात आली. आधार नोंदणी केंद्राकरिता ग्रामीण कार्यक्षेत्राकरिता ६५ रिक्त केंद्र जाहीर केली होती. त्यामध्ये ६२ अर्जदारांना सोडतीद्वारे आधार केंद्र मंजूर करण्यात आली आहेत. नगर परिषद कार्यक्षेत्रामध्ये एकूण ७ रिक्त केंद्र जाहीर केली होती. त्यामध्ये ७ अर्जदारांना सोडतीद्वारे आधार केंद्र मंजूर करण्यात आली.
हेदेखील वाचा : Corona Update: “… कुठे ही अ‍ॅडमीट होण्याची गरज नाही”; चिंता वाढली असताना आरोग्यमंत्र्यांचे अजब वक्तव्य
पुणे महापालिका कार्यक्षेत्रामध्ये कार्यक्षेत्रामध्ये एकूण २२ रिक्त केंद्र जाहीर केली होती, त्यामध्ये २२ अर्जदारांना सोडतीद्वारे आधार केंद्र मंजूर करण्यात आले. तर पिंपरी-चिंचवड महापालिका कार्यक्षेत्रामध्ये एकूण २८ रिक्त केंद्र जाहीर केली होती. त्यामध्ये २४ अर्जदारांना सोडतीद्वारे आधार केंद्र मंजूर करण्यात आली आहेत. या नवीन आधार संच वितरण सोडतीवेळी अपर जिल्हाधिकारी सुहास मापारी, उपजिल्हाधिकारी तथा आधार नोडल अधिकारी पल्लवी घाटगे व आधार संच वितरण समिती सदस्य उपस्थित होते.
