एकाच मतदारसंघात महाविकास आघाडीचे दोन अधिकृत उमेदवार ! पनवेलमध्ये रंगतेय अजब राजकारण

प्रचाराची रणधुमाळी सुरु झाली असताना राज्यात पनवेल मतदारसंघात महाविकास आघाडीचे अधिकृत दोन उमेदवार असल्याचे समोर आले आहे. त्यासंबंधीचे पत्रक उमेदवारांनी वाटले असल्याने मतदार संभ्रमात आहेत.

Follow Us:

Follow Us:

पनवेल विधानसभा मतदार संघात प्रचाराला सुरवात झाली आहे. महाविकास आघाडीचे आपणच अधिकृत उमेदवार असल्याचा दावा महाविकास आघाडीचे घटक पक्ष आलेल्या शेतकरी कामगार पक्षाचे उमेदवार आणि शिव सेना उद्धव ठाकरे गटाच्या उमेदवार करत आहेत. तशा स्वरूपाचे पत्रक दोन्ही उमेदवारांनकडून घरोघरी वाटले जात आहेत.मात्र शेकाप तर्फे वाटण्यात येत असलेल्या पत्रकामध्ये शिवसेना उद्धव ठाकरे गटाचा उल्लेख टाळताना महावीकास आघाडीतील राष्ट्रवादी कॉग्रेस पक्ष शरद पवार गट, राष्ट्रीय कॉग्रेस पक्ष, आम आदमी पार्टी, समाजवादी पक्ष तसेच इतर सहकारी पक्षांचा उल्लेख करण्यात आला आहे. त्याच वेळी उबाठा गटाचे नेते उद्धव ठाकरे आणि आदित्य ठाकरे यांचा फोटो मात्र वापरण्यात आला आहे.

हे देखील वाचा- उद्धव ठाकरेंची तोफ धडाडली: धारावीच्या मुद्द्यावरून सरकारवर टीका; म्हणाले, “आमचे सरकार आल्यास…”

शेकापच्या नेत्यांना स्थान दिले नाही

उबाठा गटाच्या उमेदवार लीना गरड यांच्या कडून वाटण्यात येणाऱ्या पत्रकात महाविकास आघाडीतील पक्षांची नाव आणि त्या त्या पक्षाच्या प्रमुख नेत्यांचे फोटो वापरण्यात आले आहेत. मात्र त्यामध्ये शेकापच्या कोणत्याही नेत्यांना स्थान दिले गेले नाही आहे. दोन्ही उमेदवार हे आपणच अधिकृत असल्याचा दावा करत असून त्यांनी ते पत्रकामध्येही नमूद केले आहे. त्यामुळे महाविकास आघाडीच्या मतदारांमध्ये संभ्रम निर्माण झाला आहे. याचा फायदा विरोधी उमेदवारांना होण्याची शक्यता असल्याची भावना महाविकास आघाडीच्या मतदारांकडून व्यक्त केली जात आहे.

पनवेल मतदारसंघ हा शेकाप पक्षाला महाविकास आघाडीमध्ये देण्यात येणार होता. शेकापने ठाकरे गटासाठी उरणची जागा न सोडल्याने अलिबाग वगळता पेण,पनवेल मध्ये ठाकरे गटाने उमेदवार दिला आहे. राष्ट्रवादी कॉंग्रेस, कॉंग्रेसने पनवेल मतदारसंघासाठी भूमिका स्पष्ट करताना स्थानिक पातळीवर शेकापला समर्थन दिले असले तरीही कार्यकर्त्यांमध्ये संभ्रम कायम आहे. या संभ्रमाचा फायदा भाजपचे विद्यमान आमदार प्रशांत ठाकूर यांना होण्याची दाट शक्यता आहे.

शेकापचा गड ते प्रशांत ठाकूरांची हॅट्ट्रीक

पनवेल मतदारसंघ हा वर्षानुवर्षे शेकापचा गड होता. 1962 साली झालेल्या  महाराष्ट्र विधानसभेच्या पहिल्या निवडणूकीपासून ते 2009 पर्यंत सलग 47 वर्ष या मतदारसंघात शेकाप पक्षाचे आमदार होते. दिनकर पाटील, दत्तात्रय पाटील, विवेक पाटील यांनी या मतदारसंंघाचे या काळात नेतृत्व केले.  2009 मध्ये पहिल्यांदा प्रशांत ठाकूर यांनी हा गड उद्धवस्त केला. आणि ते  कॉंग्रेसकडून निवडून आले.  2014, 2019 मध्ये भाजपकडून निवडणूक लढवत येथून विजय मिळवला. 2019 मध्ये त्यांनी शेकापच्या उमेदवाराचा तब्बल 92 हजाराहून अधिक मताधिक्क्याने पराभव केला होता. लोकसभा निवडणुकीमध्येही पनवेलमधून महायुतीचे उमेदवार श्रीरंग बारणे यांनी चांगल्या मतांची आघाडी घेतली होती त्यामुळे प्रशांत ठाकुर यांचे पारडे जड असल्याचे दिसून येत आहे.

हे देखील वाचा- शेतकऱ्यांचं 3 लाख रुपयांपर्यंत कर्ज माफ करणार; मुंबईतील सभेत शरद पवारांचं मोठं आश्वासन

Web Title: Two official candidates of mahavikas aghadi in panvel constituency

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com