गुरुवार, 15 ऑक्टोबर 2026
सौजन्य फोटो - सोशल मिडीया
कारंजा नगर परिषद संचालित उर्दू प्राथमिक शाळा क्रमांक १ व २ चे मुख्याध्यापक शाळेच्या संचमान्यतेच्या कामानिमित्त कारंजा येथून वाशीम येथील प्राथमिक शिक्षण विभागाच्या कार्यालयाकडे दुचाकीने निघाले होते.दरम्यान, शेलूबाजारजवळील तपोवन फाट्यावर समोरून भरधाव वेगाने येणाऱ्या दुचाकीने त्यांच्या दुचाकीला जोरदार धडक दिली. या भीषण अपघातात दोन्ही मुख्याध्यापकांसह दुसऱ्या दुचाकी चालकाचाही मृत्यू झाला.
दोन्ही मुख्याध्यापक कारंजा नगर परिषदेच्या शिक्षण विभागात कार्यरत होते. शैक्षणिक जबाबदारी पार पाडण्यासाठी प्रवास करत असताना त्यांच्यावर काळाने घाला.घातल्याने सहकारी शिक्षक, शिक्षण विभागातील कर्मचारी आणि परिचितांमधून हळहळ व्यक्त होत आहे. २ अनुभवी मुख्याध्यापकांच्या निधनामुळे कारंजा नगर परिषदेच्या शैक्षणिक क्षेत्राची मोठी हानी झाल्याची भावना व्यक्त केली जात आहे. या भीषण अपघातामुळे – परिसरातही शोक व्यक्त होत आहे.
अपघाताची माहिती मिळताच कारंजा नगर परिषदेचे गटनेते बिलाल पुंजानी, उपाध्यक्ष अॅड. फिरोज शेकुवाले, शिक्षण सभापती जाकीर शेख आणि नियोजन सभापती नदीम राज यांच्यासह मृतांच्या नातेवाइकांनी व शिक्षकांनी घटनास्थळी धाव घेतली. पोलिसांनी घटनास्थळ गाठून पंचनामा केला. उत्तरीय तपासणीसाठी मृतदेह मंगरूळपीर ग्रामीण रुग्णालयात पाठवण्यात आले.
Buldhana: उत्पादन घटले; सोयाबीनचे दर वधारले, अपुऱ्या पावसाचा फटका; शेतकरी दुहेरी आर्थिक संकटात
